牛舞日本燒肉‧涮涮鍋放題 (利舞臺廣場)

營業中

休息中

今日黎食牛舞既特級燒肉放題，肉方面除佐牛仲有豬，牛都係美國既靚牛，又有其他小食食材，好豐富👍🏻頭盤（一份）🫶🏻頭盤有和牛壽喜燒，有日本靚牛，有美國靚牛，重點樂天澳洲和牛前腿肉壽喜燒，澳洲和牛油脂分泌無日本既咁平均，但已經好嫩好鮮美，香嫩軟滑，壽喜燒既方法完全保留牛肉既精華，成個湯底都好香！另一重點日式牛五花薄切就肥美好多，油花十足，牛香油香都出晒黎，香味四溢！任食內臟👏🏻唔同內臟都任食，好似豬大腸，雞腎，牛舌呢啲都係好食既，豬大腸已經清潔得好乾淨，無咩肥膏，鮮味爽彈，雞腎都好有咬口好簡，牛舌又係厚厚既好有口感，全部都好正！任食豬雞🤟🏻唔同既雞肉同豬肉都係任食，豬腩片，豬頸肉，雞腿肉，雞中翼，煙肉片，梅頭肉等等，全部肉質都好好，雞翼好正，燒到皮脆肉嫩咁食，超滿足！任食牛🫰🏻牛肉除佐頭盤當然仲有任食，肥牛片，美國特選牛肋肉，牛冧片，美國特選一口牛，美國極上牛板腱，唔同部位唔同口感，好似牛冧片咁就超柔軟，好嫩滑，牛味好重，回味非常！