Gyutan Toku牛舌專門店

營業中

休息中

爸爸係土瓜灣返工, 得知附近新開咗間食牛舌唔錯嘅餐廳, 趁住今日放假帶我試試。餐廳面積不大, 暗藍色調配上木系桌椅, 有些少日系feel。我地二人order咗一個前菜小食同埋各人一個定食。燒鱈魚干: 薄脆甜甜的, 細味有鱈魚香, 點沙律醬食, 味道更提升。兩款定食好快上檯, 定食包含了茶壺蒸、漬物、味噌湯、沙律菜, 不過野飲就要額外散點。茶壺蒸熱辣辣, 非常滑溜, 入口即化; 入面有蟹柳、菇片。味噌湯濃度剛好, 有唔少好爽嘅海帶漬物為又爽又酸尾尾嘅海蜇。極上牛舌定食:牛舌切為條狀, 表面燒至微微焦香有油光, 內側keep為粉嫩, 入口好爽又juicy, 沾少少wasabi食, 更加正!  吉列豬扒定食: 豬扒吉列扒炸皮鬆脆不油, 肉質鬆化嫩口, 配有沙律醬食, 同樣好味。