牛大人台灣火鍋吃到飽 (大鴻輝(荃灣)中心)

營業中

休息中

最近見牛大人出咗個新套餐心郁郁想試吓，比本來澳洲極上和牛更高一級，雖然價錢會再貴啲但肉類質素更好，仲有鮑魚任食。🐮日本黑毛和牛A4+ $488除咗可以任食日本黑毛和牛A4+，仲有伊比利亞黑毛豬梅肉，呢隻豬肉絕對係個人心水推介，肉味濃厚肥瘦均勻，色澤花紋都十分靚仔。另外跟餐每位贈送澳洲M9和牛牛丸2粒及海鮮拼盤，有鮑魚、扇貝、蟶子、生蠔。湯底就揀咗期間限定新湯底剝皮辣椒雞，微辣帶甘係好舒服嘅辣度，不過就咁打邊爐唔係好食得出辣味要飲啖湯先感受到，整體唔會太油太重味係個不錯嘅選擇。丸、餃、滑、小食加加埋埋都有唔少選擇，仲有多款免費飲品或加錢升級皆可。甜品有HD雪糕任食，味道都有好幾款選擇，連新口味亦有供應頗有驚喜。