牛大人台灣火鍋吃到飽 (鱷魚恤中心)

營業中

休息中

口碑一向唔錯嘅台灣火鍋店牛大人，最近推出「夢王祭」。凡晚市叫『極上和牛套餐』，每人可選『夢王生雞蛋』或『醬油溏心夢王蛋』一隻。另外，仲有好多用夢王蛋制作嘅菜色，有三色鮮蔬夢王脆蛋、夢王布丁珍珠奶茶同夢王布丁。極上和牛套餐 $328/位火鍋湯底有十款可以揀，今次試阿嬤養生濃湯鍋。湯頭用上大骨加入大量新鮮蔬菜烹製，再配上多種養生藥膳，回甘香濃。夢王生雞蛋 / 醬油溏心夢王蛋我就揀左夢王生雞蛋，牛肉可以蘸蛋漿食，蛋漿令牛肉變滑，更增加口感。朋友揀左醬油溏心蛋，橙紅色蛋黃嘅溏心蛋，醬油好入味，蛋味濃。除左送夢王蛋，點呢個餐，每人仲有2粒澳洲M9和牛牛丸送。牛味好濃郁，彈牙之餘，肉汁爆出黎。再 LIKE 社交平台，就可以免費有一杯『夢王布丁珍珠奶茶』。奶茶加入夢王制嘅布丁同珍珠，滑滑嘅布丁同彈牙珍珠，令人有雙重口感。鍾意食牛嘅朋友，呢個極上和牛套餐一定滿足到你，牛肉款式好多選擇。澳洲和牛M5牛肩卷、美國SRF黑牛、安格斯牛小排、手切封門柳。最推介澳洲和牛M5牛肩卷同安格斯牛小排。牛肩卷油花分佈平均，肉質嫰滑，牛肉味濃。牛小排則肉質豐厚多肉汁。打邊爐，點會少得啤酒。香港制造嘅少爺PILSNER啤酒