影片
更多
2024-03-14
113 瀏覽
聽朋友介紹銅鑼灣呢間鐵板燒好正，今日終於可以黎試試~要咗2個1人餐，一個澳洲牛 （$1580），一個日本和牛（$1780）睇到個海鮮盤已經好期待，除咗海鮮之外，仲有心心仙女棒（唔知係咪見到我地係一 pair 特登加比我地呢）前菜有 芝士裡面有d甜薯，炸菇片，蒸蛋+山藥粒粒雜菜沙律好清新！ 酸度剛剛好，唔會太酸，好開胃刺身係吞拿魚+帶子，鮮甜~火焰北寄貝鐵板燒過嘅北寄貝，加上海苔高湯，鮮味更出！ Welcome drink 紫色漸變色，好靚。 可以揀有酒精 / 無酒精，我地各要咗一杯，一致認為有酒精好味d。 梅酒甜味更易入口，好淡酒味，清新。主角黎啦~ 龍蝦！ 燒嘅時候仲好生猛，唔好意思啦小青龍，我要食你了外層燒到少少焦香，裡面肉質好彈牙，配上師傅調製嘅濃蝦汁，鮮到呢！！好想每一滴汁都唔放過，好好味~季節煮物有 日本尖椒同大根清湯和牛第一次食和牛唔係壽喜燒 / 燒肉。 輕輕燒過嘅和牛片，加上茉莉花清湯，茉莉花清新中和咗和牛嘅油膩咁，成件事清新曬。湯好味！另一個主角黎啦！！！ 牛！我地要咗5成熟，澳洲牛牛味濃，肉質彈牙，juicy。和牛入口即溶，口裡面充滿住牛油香味師傅提議我地下次可以試試
要咗2個1人餐，一個澳洲牛 （$1580），一個日本和牛（$1780）睇到個海鮮盤已經好期待，除咗海鮮之外，仲有心心仙女棒（唔知係咪見到我地係一 pair 特登加比我地呢）
前菜有 芝士裡面有d甜薯，炸菇片，蒸蛋+山藥粒粒
雜菜沙律好清新！ 酸度剛剛好，唔會太酸，好開胃
刺身係吞拿魚+帶子，鮮甜~
火焰北寄貝鐵板燒過嘅北寄貝，加上海苔高湯，鮮味更出！
Welcome drink 紫色漸變色，好靚。 可以揀有酒精 / 無酒精，我地各要咗一杯，一致認為有酒精好味d。 梅酒甜味更易入口，好淡酒味，清新。
主角黎啦~ 龍蝦！ 燒嘅時候仲好生猛，唔好意思啦小青龍，我要食你了
外層燒到少少焦香，裡面肉質好彈牙，配上師傅調製嘅濃蝦汁，鮮到呢！！好想每一滴汁都唔放過，好好味~
季節煮物有 日本尖椒同大根
清湯和牛
第一次食和牛唔係壽喜燒 / 燒肉。 輕輕燒過嘅和牛片，加上茉莉花清湯，茉莉花清新中和咗和牛嘅油膩咁，成件事清新曬。湯好味！
另一個主角黎啦！！！ 牛！
我地要咗5成熟，澳洲牛牛味濃，肉質彈牙，juicy。
和牛入口即溶，口裡面充滿住牛油香味
師傅提議我地下次可以試試和牛7成熟，油脂味道會更加香
煙肉炒飯
食完頭先嗰d已經飽飽地，但呢個飯真係炒到好香，忍唔住食曬，好飽好滿足~
甜品係士多啤梨 + 雪糕 + 牛油焦糖多士 （唔夠相位post）
一凍一熱嘅士多啤梨，有驚喜~
總結： 今餐有靚景配好味食物~ 大滿足~~~
張貼
