影片
更多
2014-04-27
3175 瀏覽
慶祝屋企人牛一 一早喺度訂左枱 仲訂埋菜人一到齊即刻可以開席今次再encore燒豬脾 因為人多關係 侍應建議剪成小件size 都分到成10件啱好一人一件 味道如一 皮脆肉嫩 (今次問清楚 原來兩個醬分別係芒果醬&柚子醬 上次講錯左添 )我地同侍應哥哥講到明 d餸唔駛分 一次過上晒黎就最好所以冇一陣 就成枱都係餸 好豐富 哩個係刺參 侍應哥哥話依家做緊特價($170 好似係...)位上 一人一份 好大條 啖啖肉好滋味哩條東星班真係唔話得 雖然好大條 但蒸得啱啱好 唔會攪到d肉死實實又唔會話近骨位d肉唔熟 今次餐飯我都係專攻哩道餸 連魚頭都俾我食埋 其他餸都唔錯 只係我今次都係主要講d我印象深刻既甜品我地訂左一大籠壽包 (牛一唔少得啦~)唔好以為好大個 其實細過個拳頭 內餡係白蓮茸甜度適中 包身又好軟熟 我一人解決左2個另外侍應哥哥推介左個即撞豆腐花哩個即叫即撞 所以我地食到差唔多時 侍應哥哥就幫我地叫起 咁唔駛等幾耐就有得食 真係鬼咁熱辣辣 雖然燙口 但好嫩滑又好香黃豆味 食到哩到 個人飽到唔知點咁 一大盤既
人一到齊即刻可以開席
今次再encore燒豬脾 因為人多關係 侍應建議剪成小件size 都分到成10件啱好一人一件 味道如一 皮脆肉嫩
(今次問清楚 原來兩個醬分別係芒果醬&柚子醬 上次講錯左添 )
我地同侍應哥哥講到明 d餸唔駛分 一次過上晒黎就最好
所以冇一陣 就成枱都係餸 好豐富
哩個係刺參 侍應哥哥話依家做緊特價($170 好似係...)位上 一人一份 好大條 啖啖肉好滋味
哩條東星班真係唔話得 雖然好大條 但蒸得啱啱好 唔會攪到d肉死實實又唔會話近骨位d肉唔熟 今次餐飯我都係專攻哩道餸 連魚頭都俾我食埋
其他餸都唔錯 只係我今次都係主要講d我印象深刻既
甜品我地訂左一大籠壽包 (牛一唔少得啦~)
唔好以為好大個 其實細過個拳頭 內餡係白蓮茸甜度適中 包身又好軟熟 我一人解決左2個
另外侍應哥哥推介左個即撞豆腐花哩個即叫即撞 所以我地食到差唔多時 侍應哥哥就幫我地叫起
咁唔駛等幾耐就有得食 真係鬼咁熱辣辣 雖然燙口 但好嫩滑
又好香黃豆味
食到哩到 個人飽到唔知點咁 一大盤既生果都冇咩點食到
唯有打包返屋企
題外話/補充資料：
侍應都好細心, 知道我地人多, 豬脾會主動幫我地剪細件d, 方便我地分。見我地食到咁上下, 又會適時安排甜品上枱, 唔駛我地操心。
埋單時得知, 佢地依家星期一至四晚市做緊個推廣套餐: 『 圓桌歡聚宴』$3800(10位一席),
$2000(5位半席)
好抵!! 仲可以用到信用卡dis, 下次可以同d朋友黎試下
(以上食評乃用戶個人意見 , 並不代表OpenRice之觀點。)
張貼
