古琴雅苑 (譽發廣場)

營業中

休息中

經開飯網訂了一個7人餐，由於旺角新店開張再送多半隻片皮鴨。鴨皮油光不足，鴨肉有d柴唔夠肥 (好處係比較健康，缺點係食落口唔夠鴨油香)。小籠包皮唔算薄，但湯汁充足。東坡肘子反而有驚喜，炆得剛剛好，皮好腍，肉嫩而唔會柴。上海粗炒份量十足，每條麵條沾滿汁料。松子魚、蜜汁火方就正常發揮。農家醬爆牛肉、鮑魚雞煲其實係有鑊氣，只不過佢地都幾辣，所以好幾位家人都食唔到，建議餐牌標示。瑤柱蛋白炒飯炒得夠乾爽，飯粒粒分明，碟底都冇乜油。甜品腰果露稀咗少少。服務質素都係正常發揮。由於坐係房內，待應唔知道房內情況，所以我地有時都要自己添水。侍應間中到房內收碟。