古琴雅苑 (譽發廣場)

這間烤鴨餐廳最近新開張，只要訂座便每枱免費送半隻烤鴨，於是今天晚上便和朋友一起來吃晚餐。烤北京填鴨：朋友想喝鴨湯，於是我們便點多半份烤鴨套餐，配冬瓜鴨架湯。之前網上看見烤鴨是在客人面前切的，但今次是直接已切好再給我們。烤鴨都算肥瘦適中，而且肉質都算嫩滑，美中不足只是微暖，並不是熱騰騰的，至於鴨湯鹹鹹的味道不錯，挺好喝的。風味松子魚：北京菜除了烤鴨，松子魚亦是我的最愛，可惜松子魚雖然是叫炸，但是脆皮太厚而且很硬，最重要是醬汁甜得嗆喉，正常甜酸醬應該是酸酸甜甜，而這份只得甜膩的味道，真的很難吃。鐵板蔥爆羊肉：另外羊肉亦是我的至愛，這間羊肉的膻味都算濃郁，適合喜愛羊膻味的朋友，醬汁的調味亦相當不錯，如果羊肉份量多一點便更好了。意大利黑醋骨：黑醋骨的份量很少，而且只是微暖，最重要是調味不好吃，大家可以不用點。南翔小籠包：小籠包的皮略為有點厚，湯汁亦不多，幸好豬肉都算鮮美多汁，味道還算不錯吧。瑤柱蛋白炒飯：炒飯比較乾身一些，而且米粒比較硬，不過炒得都算有鑊氣，而且鹹鹹的味道不錯。高力豆沙香蕉：朋友說這是北京菜的著名甜品，是用蛋白製作而成，不過內裡的香蕉餡料只有很少，至於蛋白沒有什麼味道，個人認為味道只是一般。價錢方面，餐廳設有加一服務費和茶位費，四人總共 $1416。總結來說，餐廳的冷氣不夠涼快，食物味道雖然不算出色，但還算可以吧，價錢則中規中矩，不過新開張優惠送半隻烤鴨挺划算的。…查看更多

今晚想食北京填鴨，以前不二之選就一定係北京樓，但現在就多左好多選擇，例如今晚揀呢間“古琴雅苑”係人氣店嚟咖👍喺尖沙咀旺區，交通超方便呢～餐前小碟酸酸甜甜，醒胃👍砂鍋醃篤鮮 $198醃篤鮮咁難煮得好味嘅湯頭就緊係要叫返煲啦😜醃製的鹹肉，百頁、竹筍。將湯頭煨煮至成乳白色的醃篤鮮，色澤乳白材口感滑嫩，尤其是用砂鍋煮嘅醃篤鮮更吸引😍蜜汁脆鱔 $118另類的食法，一般蜜汁脆鱔是連蜜汁一齊炸，呢碟係分開，炸好左上碟，自己醮蜜糖，甜度可以自己控制，各有好特色😍醮上蜜糖的脆鱔色澤更靚，胃口大增，入口香脆清甜😋烤北京填鴨半隻 $235主角出場😜。烤鴨受熱均勻、強烈，皮下脂肪已經融化，皮脆肉嫩。配以大蔥絲、黃瓜絲、甜麵醬，用薄餅卷着食用，香而不膩，你一件我一件，好快就KO晒😋😋😋大廚成晚不停的片片片，證明差不多每檯都叫，每檯都食😍原來仲有現金券，買左仲抵食👍就嚟中秋節，等我都早啲book定檯先😅…查看更多

同老公去咗間環境優雅舒適，出名食「烤北京填鴨」嘅餐廳，我哋叫咗半隻填鴨品嚐，茶選桂花烏龍茶香醇順喉！🦆北京烤鴨先上片起一口酥，充滿油香，配上砂糖同黃梅醬，甜中帶酸，入口酥脆！🦆主角烤鴨鴨皮酥脆，鴨肉夠香，而且估唔到有咁多配料！除咗傳統京蔥同青瓜，竟然仲有哈密瓜！靈魂醬汁甜醬，為片皮鴨增添層次感！熱辣辣嘅皮包住脆トト嘅鴨，真係好好味！🥄酸辣湯酸辣適中，分量足，材料豐富，超足料，入口濃郁幼滑，酸酸辣辣，越食越開胃！🥢高湯嫩雞湯麵湯底清澈，味道濃郁，雞肉嫩滑，麵條彈牙，點埋豆瓣醬更惹味！🥢金腿濃湯津白，金華火腿鹹鹹香香，津白索晒汁嘅精華，好食！PS:喺openrice訂位仲有優惠及特惠套餐可選擇！…查看更多

朋友仔話成日都豬🐷 • 牛🐃 • 雞🐔不如今次食北京烤鴨🦆又得啫🤣午市☀️全包宴套餐好抵食(*免茶免加一)2人 - 8人餐都有。仲有個限時優惠🈹烤鴨易食套餐(*需加一)都幾抵🫢~•~•~•~•~•~•~•~•~•~•~•~•~•~•~•~•~•~•~• ▪午市全包宴二人套餐A ($398)▫️意大利黑醋骨 • 半例 酸酸甜甜開下胃先，表面糖面有少黏黏拉絲🖤.▫️烤北京填鴨 • 半隻 ▫️鴨卷餅油光滿滿 • 皮脆肉嫩烤鴨，用煙韌餅皮🫓包埋青瓜🥒 • 京蔥 • 哈蜜瓜🍈 • 京醬食🤎一口酥(頸皮位) 炸脆脆✨點糖 • 黃梅醬🧡.▫️開水白菜清清肉類既油膩感岩晒🥬.▫️茶🫖可揀玫瑰荔枝茶 / 桂花烏龍 (午市全包宴套餐包左，原價$18/位).~•~•~•~•~•~•~•~•~•~•~•~•~•~•~•~•~•~•~• 平時除左客飯，都好少會有1人份，散嗌左▪古琴酸菜魚 ($89/位)用左盅上，好似燉湯咁。咪睇細細盅，但好足料😚魚肉份量唔少🐟仲有捲捲薯粉...湯唔算好油，酸中帶少少麻🌶️.▪餐前小碟 ($18) .🔺以上單點 & 餐前小碟價錢 💁🏻‍♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~• …查看更多

家人喜歡食中菜，特意帶他們來這裡。我想吃北京填鴨，但家人不吃鴨，所以就没點套餐，我覺得套餐比較抵食啲。我們也吃得不多只好散點。這個玫瑰荔枝茶好香，我很喜歡💕這個小籠包，包𥚃面的肉汁滿滿的，肉汁鮮甜加上醋一起吃更好吃，一定要趁熱食，才好吃，夾的時候要很小心，包皮薄很容易弄破。這個東坡肘子，好腍好滑，吃起來有點似食東坡肉，服務員服務很好幫我們把肉切出來，而且份量都幾多。我也特別欣賞這個高力豆沙香蕉，裏面的餡是香蕉，好吃。😋…查看更多

金秋邂逅套餐 - 二人A環境乾淨企理，晚市多人。還有外國食客捧場。個湯因為津白炮製，所以味道較為鹹一點。小籠包沒有湯汁。主菜片皮鴨，先來一碟一小份的片皮鴨蘇，配以糖，或者柚子醬一起吃，口感一口油。（可以少吃，多就吃不下了）片皮鴨也不錯，不過二人食真的夠了，食得多也很飽。炒飯和炒四季豆，正常發揮，基本操作。桂花糕清香，不是太甜。員工服務有禮，細心。如想食鴨的話，可以來一試。套餐內，除咗鴨之外，其他菜式普普通通，不過下次會再試試套餐以外的菜式。…查看更多

今日經過油麻地見到有一間出名食北京填鴨嘅舖頭，於是忍唔住決定入去試一試！冬瓜鴨架湯呢碗冬瓜鴨架湯一上枱，已經聞到一陣好溫和嘅鴨香。湯頭睇落清徹，飲落去味道好醇和，鴨嘅鮮味慢慢滲出嚟，唔會太過濃烈！冬瓜煲到半透明，入口即化，完全吸收咗鴨湯嘅精華，清甜得嚟又帶啲鴨油嘅香氣。鴨架肉雖然唔多，但係燉到好軟腍，輕輕一撕就離骨，咬落去依然保持到鴨肉應有嘅味道。湯裏面仲有啲杞子同紅棗，加咗少少天然嘅甜味，令成碗湯更加順喉。烤北京填鴨鴨皮燒到金黃色，望落去好光滑，而且夠薄脆，切開嘅時候仲聽到清脆嘅聲音。鴨肉嘅火候控制得啱啱好，肉質保持到嫩滑，唔會太乾或者太韌。每一片鴨肉都帶住均勻嘅脂肪，食落去有淡淡嘅鴨油香，但又唔會覺得膩。最欣賞係佢嘅調味，鹹度適中，唔會蓋過鴨本身嘅鮮味。用薄餅包住鴨肉，加少少青瓜同甜麵醬一齊食，口感好豐富。薄餅軟熟，青瓜清爽，同鴨肉嘅油脂形成一個好好嘅平衡。整體嚟講，呢隻烤鴨做得幾細緻，味道同質感都配合得好好，食完之後令人好滿足，但又唔會覺得太滯。古琴雅苑 (旺角)旺角彌敦道560號譽發廣場2樓…查看更多

之前食過古琴雅苑，主打烤北京填鴨，選用上乘北京填鴨，以傳統掛爐烤製，食物高質👍🏻地方環境又企理，旺角譽發廣場呢間，油麻地站一出就係，好近好方便🙌🏻🫖茶葉有少見嘅玫瑰荔枝，名為瑰荔堂煌，好有氣派🐟一位酸菜魚超好食！酸辣平衡，好惹味，魚肉好滑，好鐘意佢底層有粉皮，又薄又滑，索咗湯汁好下正，有一位份量都幾好，獨食都得😌🐷鮑魚小炒肉腩肉惹味，鮑魚切片好腍身，炒到入晒味，微辣，蒜芯同甜椒微甜好食🍚瑤柱蛋白炒飯炒得香口，粒粒分明，有蛋香，仲有幾粒蝦肉，彈牙爽口🚩古琴雅苑 (旺角) @zithergarden 📍旺角彌敦道560號譽發廣場2樓…查看更多

多年前在其他分店用餐體驗不錯，因此今次選擇旺角新店為家母慶生，預訂了五位。透過OpenRice預訂了$2400（包茶位加一）的五至六人餐。餐點份量充足，但個人認為出品麻麻地：尤其片皮鴨口感乾柴，松子魚的炸粉好似其他人既評論提過一樣好厚，其他菜式不過不失。店鋪雖提供生日優惠，但實際體驗是咁的：• 關於生日免開瓶費：店員話該店其實沒有酒牌，餐廳將此包裝成優惠• 關於生日送壽包：查看帳單後（店員已銷毀原來帳單），發現收取了服務費，即每個壽包原價16，服務費為1.6 × 5個 = $8（加一）。一般個人體驗出去食飯敬送甜品都唔會仲收加一，更何況係生日優惠？幾蚊雞事小，客戶體驗大打折扣附上向店員反映後修改免左壽包加一的帳單：在只點選2400（包茶位加一）套餐、店家自行贈送食品的情況下，最終收取63服務費（手寫部份73減去10餐盒費）。整體而言，依間餐廳平價飽肚，但個人體驗食到一肚氣，感覺比較適合街坊落街食餐飯去，大家可自行參考選擇，但我就冇下次囉。…查看更多

今日嚟呢度主要係為咗食北京填鴨, 好耐無食過喇！(套餐)烤北京填鴨半隻 + 冬瓜鴨架湯叫咗半隻烤北京填鴨，鴨皮烤得金黃香脆，鴨肉鮮嫩多汁，配埋蔥、青瓜同甜麵醬，用餅皮包住一齊食，真係人間美味，半隻份量都好多好大碟，2個人都差d 食唔哂！食完鴨之後，仲可以飲冬瓜鴨架湯，湯底好濃鴨味，有鴨肉可以邊飲邊食, 飲完好舒服！爆火鮑魚小炒肉仲叫咗爆火鮑魚小炒肉。呢個菜式好惹味，鮑魚爽口彈牙，小炒肉辣辣哋，送飯一流！😋😋…查看更多

在旺角古琴雅苑享用晚餐，頗有官府菜的精緻當然必叫烤鴨易食（2食），先上的是「烤北京填鴨半隻」，鴨皮酥脆得近乎鏤空，入口即化，鴨肉則保持濕潤，不柴不膩。配料方面除了傳統京蔥、青瓜外，還有哈蜜瓜和蜂蜜黃梅醬，甜中帶酸，為鴨肉增添層次感第二食「凉瓜燜鴨架」凉瓜切得厚薄適中，燜得入味但仍保留微微爽口，與鴨架一同燉煮，湯汁滲透骨髓，鴨架肉也不少，而且骨香濃郁另點了「高湯嫩雞湯麵」，湯底清澈卻味道濃郁，雞肉嫩滑，麵條彈牙，吸收湯汁後更添風味。整體份量適中，不會過飽，反而讓人意猶未盡。餐廳環境雅緻，服務細緻，輕鬆用餐感覺不錯…查看更多

感恩 #生日 番工可以同同事食好東西😋中午時間食咗個好full嘅Lunch😋同事竟然提出食片皮鴨😍🌟呢餐廳叫古琴雅苑，個名都好有詩意。🍽️ 烤北京填鴨呢度最出名係北京填鴨🍽️🐥我哋兩個人叫咗半隻北京填鴨🐥真係估唔到唔片皮鴨都有咁多配料，有哈密瓜🍈糖俾我哋夾住食添，夠晒新鮮～So freshhhh～片皮鴨包皮連蒸爐一齊上熱辣辣嘅皮♨️包住脆卜卜嘅燒鴨皮🎊每片都有脆脆嘅皮同埋香軟個肉，真係好滋味㗎！🍽️ 古琴精選全包宴二人套餐其實半隻片皮鴨已經好飽肚😋我哋一開始眼闊肚窄叫咗古琴精選全包宴二人套餐 😂有小籠包、麻婆豆腐、三色肉絲，無論外貌定味道都好吸引，即蒸小籠包真係好多汁，so yummmmmmy🤤🫖 荔枝玫瑰茶呢間古色古香嘅餐廳竟然可以揀荔枝玫瑰茶🫖有玫瑰同荔枝嘅清香🌹夠晒清香，而且飲落好解油膩，啱晒食完juicy嘅片皮鴨之後清清喉嚨🤤🫖…查看更多

烤北京填鴨：烤鴨皮脆肉嫩，肉質鮮美，賣樣精緻。配上六小碟的配菜，按個人喜好組口成不同口味的鴨卷，口感豐富。另外，有一小碟酥脆鴨皮，配上黃梅醬，感受到鴨的酥脆向香。涼瓜燜鴨架：燜鴨架同涼瓜一起燜，涼瓜吸收鴨架的精華，另外，涼瓜口感清爽爽口，口感清淡又惹味，適合夏日食用，清熱解暑。砂鍋醃篤鮮：醃篤鮮豬腩肉質細嫩，咸咸香香。另外，鮮豬腩肉肉質美味。另外，讓有鮮竹筍同豆皮卷，整體感覺鮮美及湯濃美味。烤北京填鴨六小碟配菜可以無限添。另外，有一個瑰荔堂煌茶幾特別及好喝。…查看更多

「古琴雅苑」剛在旺角開了第四間分店，業務不斷擴展，今日和朋友來到旺角店，餐廳光猛新淨，晚飯時間基本坐滿客人，無訂位的就要撲空了。茶品很有水準，不是普通的茶葉，試下特別的瑰荔堂煌，有很香的玫瑰花味。皇牌菜北京烤鴨當然是必吃的，半隻套餐$299，還可以多選一款菜式，抵食。服務員很快遞上六款配菜和醬料，還有熱騰騰的薄餅，細心地講解不同的食法。烤鴨皮脆卜卜，鴨肉鬆軟酥香，令人欲罷不能。《古琴鴨肉炒飯》炒飯芳香泗溢，飯粒分明，好像在口中跳動，配料和味道都恰到好處。《乾煸四季豆》$92看似簡單的菜式，但做法一點不簡單，四季豆要用小火乾煸至表面焦香，內部保持軟嫩，加入肉碎，香蒜等，鹹香入味，佐飯一流。…查看更多

北京烤鴨鴨皮香脆，肉質嫩滑，配埋薄餅、甜麵醬、青瓜蔥絲，口感豐富又滿足，一啖咬落去真係不得了！帶子賽螃蟹蛋白炒得嫩滑，帶子嫩滑，仲保留住鮮甜口感，仲有少少蟹肉嘅香味，味道清新而且唔會太油膩，非常適合夏天食。桂花烏龍茶茶香撲鼻，帶有陣陣桂花香，唔係一般茶樓d cheap cheap茶。另外，佢哋8月份有優惠，4位或以上訂座會送半隻北京烤鴨，建議如果想試，可以約埋朋友一齊去，咁樣抵食啲。同埋餐廳嘅環境都幾雅緻，裝修簡單但唔失氣派，服務員都好有禮貌，補茶好勤快。…查看更多