古琴雅苑 (太子集團中心)

營業中

休息中

食物質素：👉🏿古琴酒糟烤北京填鴨呢間餐廳都係片皮鴨界中尚算有d名氣，不過真正食落就比較普通。叫左半隻份量都ok，三個人食都可以每人食4塊左右。賣相唔錯，但係就欠缺鴨油香味，就算一塊餅皮加兩塊鴨皮同肉都無嗰種油香係口腔爆發既感覺。而且可能整定，上菜時已經凍曬。值得一讚係餅皮非常煙靭，仲要有蒸籠焗住，可以保持餅皮既溫度，係難得好食既餅皮。👉🏿鐵板蔥爆牛肉比普通更加普通，完全無蔥爆既感覺，似炒完擺上鐵板。香味欠缺，似普通茶記味道。👉🏿瑤柱蛋白炒飯味道都可以，炒得乾身同有粒粒分明既感覺。驚喜係瑤柱既份量都幾多，每一啖飯都食到幾多瑤柱。口味較清淡，無咩香味，整體普通再好d。服務質素：普遍員工都友善有禮，不過收食物速度都幾快，有時都未食完就問定可以收得未，少少趕客。環境：環境都乾淨，地方唔大，可容納人數唔多。