竺扶大班燒味 (裝修中)

之前聽朋友介紹，呢間燒味舖頭嗰啲燒腩仔幾好食，今日就決定嚟試吓！！！！一嚟到嘅時候，已經好多人等緊外賣，其實堂食都好多人等緊😂😂😂本身食燒味呢啲舖頭，都冇諗過要等位，但係見到咁多人食，心諗佢應該都真係質素唔錯😋我哋就叫咗一個燒味雙拼飯，燒腩仔配叉燒同埋一個鳳凰雞飯🤩🤩🤩個燒味雙拼飯，燒腩仔都真係幾出色嘅，一嚟塊皮好脆，二嚟啲肉質唔會好硬，好似擺咗好耐咁👍🏻👍🏻👍🏻👍🏻但係啲叉燒就比較普通，不過不失咁。另外就嗌咗一個鳳凰雞飯，其實即係雞腿飯😂😂😂咁啲雞腿都尚算可以，但唔係話特別出色。