竺扶大班燒味

營業中

休息中

大埔中心的商場現在越來越多連鎖店進駐，連茶餐廳車仔麵都是有連鎖店提供，普通的街坊茶餐廳已經越來越少了。這間位於大埔廣場的竺扶大班，我和老公都很喜歡來這裏吃飯，店員都十分有人情味。這間也算是大埔其中一間人氣茶餐廳，午市經常都很多人排隊。這次我們是下午茶時段來的，點了兩個下午茶餐和兩隻乳鴿。芝士火腿西多士 $35外表平平無奇，一刀切下去，流心芝士立即湧出！！再加上裏面有一塊火腿，令到整個西多士的油膩感減少。比起傳統的花生醬西多士更好吃。乾炒叉燒公仔麵 $42燒味是這間茶餐廳十分出名的，下午茶的叉燒也很好味，公仔麵炒得很乾身，配上蛋碎洋蔥更添美味。乳鴿2隻 $90一定要介紹乳鴿！！而且一定要原隻上。因為這樣乳鴿的肉汁就更能夠保存在裏面，做到外脆內多汁的口感。這裏的乳鴿不會太乾身，調味也剛剛好！！而且這個價錢，性價比真的超！！級！！高！！總括來說，這間茶餐廳各樣食物都很不錯，來大埔又想吃中式菜式的好選擇。

朋友住大埔，話呢間燒味餐廳係大埔嘅人氣店，非常受附近街坊歡迎，午市經常會大排長龍，朋友經常會幫襯，話佢啲燒味超好食。我哋咁鍾意食燒味，當然要去朝聖下喇。原隻古井燒鵝髀拼油雞飯$118 鵝皮香脆，油脂甘香，肉質鬆軟而味濃郁；油雞皮爽口，肉嫩夠滑。叉燒拼燒腩仔飯$52叫咗瘦叉燒，雖然瘦，但完全唔柴，鬆化中帶嚼勁；腩仔皮脆，肉質鬆化軟嫩。餐湯奉送咗個蓮藕湯超足料。冷熱飲+$3熱檸茶📍竺扶大班燒味安泰路1號大埔廣場地下61-62號舖

呢間係大埔街坊至愛嘅人氣美食！午餐時段經常都要排隊！平時食開會係出名嘅會係燒味，但今晚決定點小菜，品嚐一下其他菜式！蜜桃咕嚕蝦球~酸酸甜甜嘅口味的確非常開胃，大蝦夠哂彈牙，裹著薄薄一層炸漿，再沾滿醬汁，配料亦都好多元化有三色椒、洋蔥、蜜桃.....魚香茄子班腩煲~由於用煲上，夠曬熱辣辣！茄子夠曬香口，班腩亦都非常入味！不得不提，呢度嘅例湯非常香濃！絕對唔似坊間食店咁大量溝水😂飲品都用上不銹鋼杯，可保持該有嘅溫度！食咁豐富嘅晚餐，都係呢個價錢真係好抵！

一推開竺扶大班嘅玻璃門就聞到陣陣炭燒香🔥，呢間隱藏喺大埔廣場嘅燒味小店，冇浮誇裝修但日日爆場（唔講人流但都知好受歡迎啦），全因師傅手勢夠老派！今次試咗兩款飯加飲品，食到舔舔脷～ ▪️金牌四寶飯 叉燒紅腸油雞鹹蛋嘅完美組合 👉🏻 叉燒係靈魂！半肥瘦梅頭淋滿琥珀色蜜汁，咬落焦香帶微微炭火味，肉質鬆化到呢～ 👉🏻 紅腸唔係求其街市貨，腸衣脆卜卜仲有酒香 👉🏻 油雞髀啖啖嫩滑，豉油滷得夠晒入味 👉🏻 半隻鹹蛋黃流油撈飯，邪惡度爆燈💡 ▪️叉燒燒肉飯— 脆皮控必嗌！ 燒腩仔層次分明，皮脆到「咔嚓」聲傳到隔離枱🤣！肥膏位似啫喱咁彈牙，配埋叉燒雙重享受～ ▪️凍檸茶 vs 凍朱古力🍋 檸茶茶底濃而不澀，戳爆檸檬籽先係識食 ☕️ 朱古力似足細個茶記味道，阿華田x高樂高懷舊感max 總結：燒味有水準過好多連鎖店，碟頭大到男仔都夠飽！經過大埔一定要試吓佢哋個蜜汁叉燒，食完真係會掛住陣炭燒香啊～

好耐冇過嚟大埔呢頭食嘢，今日記得轉過話開咗間燒味店入咗去同屋企人食晚飯，都有啲驚喜。餐廳除咗燒味之外仲有炒小菜食，今次冇機會試下次一於試吓。今次同屋企人試咗黯然銷魂叉燒飯同埋燒味雙拼飯。我哋一落咗單就有例湯飲，例湯係蓮藕湯，非常之足料夠味，可能本人好鍾意飲老火湯嘅關係，覺得好好飲。呢度嘅燒味都非常之唔錯，叉燒好肥美，而且非常之足料，食得好滿足。而燒味雙拼飯就我哋試咗燒腩仔同埋燒鵝，真係要讚一讚佢嘅燒鵝，肥美適中得來冇鵝腥味冇得彈。要提一提嘅係佢哋燒味啲菜份量好多，真係食得好滿足。另外我哋都試咗半隻貴妃雞，雞肉結實，冇雞腥味，鍾意食燒味嘅朋友真係可以過嚟試吓。

成日都知大埔好多好嘢食，今日咁啱入大埔幫朋友攞嘢，梗係要趁機嚟尋覓下一大步嘅美食啦！講真真係花多眼亂，完全唔知揀咩好！行吓行吓見到間茶餐廳門口排晒長龍，就知道呢一間一定唔會差！咁就一定要試吓啦！一打開餐牌，最吸睛嘅就係呢一個黯然銷魂飯，但係佢隔籬嗰冰燒鳳凰雞飯都好吸引，選擇困難症一事唔知道點揀！最後決定你個雙拼揀咗黯然銷魂鴛鴦飯呢個飯一上嚟就嚇一嚇，好大碗！而且叉燒同鳳凰雞都好多，真係好實惠！佢哋嘅叉燒肥瘦適中，唔會太乾，食落好軟腍，肉味好香！如果叉燒汁都配得好好，鹹香鹹香用嚟送飯一流！鳳凰雞肉質都好嫩，食落有一股淡淡嘅豉油香味，用嚟點一點個鳳凰辣汁之後就更惹味！仲有叉燒同鳳凰雞之外，佢仲有好醒目嘅兩隻太陽蛋，睇過蛋黃，就知道佢哋用嘅係靚蛋，蛋香味勁濃郁，用嚟撈埋啲飯一齊食，簡直係停唔到口餐廳做開街坊生意，啲夥計都係好熱情咁同啲客人打招呼，等我呢一個外鄉人都體驗到大埔龍龍嘅人情味！總括而言，我覺得呢間餐廳啲出品都真係唔錯，怪唔之得成日都大排長龍，如果大家鍾意食燒味飯嘅話我覺得值得推薦！

今日約左朋友去大埔食下午茶，當然要食當地燒味人氣店，聽講午市經常大排長龍，而且深受附近街坊歡迎，加上位於大埔住宅區，人情味雙倍增加。呢間茶餐廳係到香港必去朝聖之一燒味茶餐廳，我地必食香港茶餐廳嘅常餐，今次我叫左金牌蜜汁叉燒通粉配火腿奄列以及厚多士，份量非常大份，而且好好味！跟餐飲品我地都叫左凍奶茶，餐廳用上來自荷蘭新鮮牛奶「黑白奶」沖配奶茶，奶味香濃，入口醇滑。朋友就叫左下午茶餐嘅黃金西多士，大大份！黃金西多士外脆內軟，包裹著香濃的花生醬和果醬，口感層次分明。每一口都散發著淡淡的奶香與甜味，讓人忍不住一口接一口。

竺扶大班燒味是大埔區一間人氣爆棚的燒味店，每到午市時段總能看到長長的人龍。這家位於住宅區的小店不僅以美味聞名，更因濃厚的人情味而深受街坊喜愛，可以說是來香港必訪的燒味朝聖地之一。他們的叉燒燒肉飯絕對是招牌中的招牌。叉燒選用肥瘦相間的梅頭肉，外層裹著晶瑩剔透的蜜汁，咬下去肉質軟嫩多汁，帶著淡淡的炭火香氣。燒肉更是講究，皮脆得像是會發出聲音，肉質卻保持著恰到好處的嫩度，配上店家特製的芥末醬，簡直是絕配。米飯也煮得粒粒分明，淋上燒味汁後更顯滋味。蓮藕瘦肉湯是這裡的另一道必點。湯頭清澈卻不失濃郁，蓮藕煮得軟而不爛，還保留著爽脆的口感。瘦肉經過長時間熬煮依然保持嫩滑，整碗湯喝起來清甜滋潤，特別適合搭配重口味的燒味一起享用。竺扶大班燒味就是這樣一間能讓人吃得滿足、心裡溫暖的小店。無論是特地來朝聖的遊客，還是天天光顧的街坊，都能在這裡找到屬於自己的燒味記憶。

同朋友相約喺大埔見面，揀咗依間門面光鮮亮麗嘅餐廳，見佢有卡位，咁就可以坐得舒適啲慢慢傾吓偈😊😊本身以為餐廳剩係得燒味飯，原來佢哋仲有好多地道嘅食物選擇，下午茶餐牌都好多吸引嘅選擇！生炸雞髀配薯條，夠晒地道😎😎雞髀外皮非常香脆，薯條份量超多，超開心！黃金西多士，賣相非常靚仔，喺側面睇清楚，個西多士係好厚身！中間仲要夾咗花生醬，香濃，又甜甜地，正！西多士配港式奶茶，真係無敵嘅港式下午茶另一個朋友就嗌咗叉燒炒公仔麵，有驚喜，好出色！叉燒好好食！而且份量好多！成個公仔麵炒得好有鑊氣，仲要有啲芽菜、蔥、洋蔥，誠意之作，推薦！

大埔街坊至愛燒味店 🏮「竺扶大班燒味」，聽講喺大埔都幾出名，深受附近街坊歡迎！🏘️ 雖然唔係咩米芝蓮餐廳，但係勝在夠地道，夠人情味！🤗 加上佢哋嘅燒味係自家太空爐燒製，日日新鮮出爐!🤤懷舊冰室風味，燒味水準之上 💯除咗燒味之外，仲試咗佢哋嘅冰室嘢食，整體嚟講都幾滿意！👍 燒味嘅水準的確唔錯，肉質鮮嫩，味道夠曬地道！😋 冰室嘢食都幾有特色，可以感受到香港嘅懷舊風味！🇭🇰 雖然唔係每一款都驚為天人，但係都算係水準之上！👌吞拿魚沙律芝士雙拼三文治 🥪🐟🧀夠曬豐富！ 吞拿魚沙律味道唔錯，夠曬creamy，加上芝士嘅鹹香，好夾！👍 不過略嫌麵包普通咗啲，如果可以用烘底嘅方包就perfect池！🍞乳鴿 🕊️燒得皮脆肉嫩，夠曬入味！😋 咬落去，啲肉汁係咁滴出嚟，好juicy！💦 如果可以大隻啲就好啦！🍗🤣🤣XO 醬叉燒炒公仔麵 🍜呢個炒公仔麵夠曬惹味！🔥 啲公仔麵炒得夠曬乾身，加上XO醬嘅香辣，好刺激味蕾！👅 啲叉燒都幾好味，肥瘦適中，夠曬入味！😋 #大埔 #燒味 #冰室 #茶餐廳 #常餐 #沙嗲牛麵 #奶茶 #黑白奶 #香港 #地道 #美食 #人氣總括嚟講，「竺扶大班燒味」都算係一個唔錯嘅選擇。佢哋嘅

午市例牌大排長龍，所以揀咗下午茶時段先去🫢位置喺住宅區，仲多咗份人情味，絕對係香港必試燒味茶餐廳之一！仲有經典常餐選擇，沙嗲牛麵、豬扒麵樣樣齊，夠晒地道💛 🍛黯然銷魂飯 $60 （😸😸😸😸）半肥瘦叉燒 + 煎雙蛋🍳 配秘製鳳凰辣汁！叉燒汁甜甜哋，撈飯一流😋記得撈勻底部醬汁～蛋黃流心撈飯超邪惡，叉燒有咬口，夠晒傳統風味！ 🦢至尊古井燒鵝 $45 （😸😸😸😸）（*下午茶時段平$10！）燒鵝大大件🐦 嚴選靚鵝用陳皮醬醃製，皮脆肉嫩又多汁！雖然下午茶份量比單點細少少，但性價比依然高，下午茶黎講夠晒飽肚😎🍞黃金西多士 $33 （😸😸😸😸）麵包吸滿蛋香，中間花生醬爆餡！淋上糖漿+牛油，邪惡度爆燈😈📍 竺扶大班燒味 (大埔)大埔安泰路1號大埔廣場地下61-62號舖

今日入咗大埔行街 之前已經有住大埔嘅朋友仔推薦我食竺扶喺灣仔食過 一於試埋大埔店啦每個飯都奉送例湯 🥰5點幾嚟都差不多坐滿咁制叫咗2個飯 食咗8成已經好飽🔥黯然銷魂鴛鴦飯半肥瘦叉燒 + 冰燒鳳凰雞 + 煎雙蛋配大將燒肉汁 + 鳳凰辣汁獨特醬汁由菠蘿、紅黃椒、青檸、蒜蓉等混合而成微辣 幾惹味煎雙蛋將蛋黃撈埋落飯度又另一種享受🪿至尊古井鵝脾拼叉燒飯叉燒燶邊 有焦香味 叉燒夠腍 肥肉亦爽口鵝脾肉質嫩滑juicy 皮夠晒脆皮唔會韌 仲帶啲陳皮味

大埔港式燒味必吃👍🏻👍🏻👍🏻餐廳的燒味很齊全，而且價錢是親民街坊價，抵食呀！💕黯然銷魂鴛鴦飯$65經典電影嘅燒味飯，賣相勁靚！包括有半肥瘦叉燒、冰燒鳳凰雞、煎雙蛋，配大將燒肉汁，仲有鳳凰辣汁！汾蹄雙拼飯 $52轉瀨粉，雙拼揀了燒楠仔，皮脆肉嫩，汾蹄的香味很平均，不會只有玫瑰酒的香味，更有獨特的調製香味，惹味呀！紅燒乳鴿 $48/隻即叫即整，外皮超級脆皮！！！肉質是啖啖肉，極鮮嫩！必叫！💕

今日去咗大埔嘅竺扶大班燒味，呢間茶餐廳真係幾旺，飯市時段經常滿滿外賣，同等候入座嘅食客。呢度必試燒味，今次點咗個叉燒例牌，叉燒色澤吸引，外面焦香，咬落去肥瘦啱啱好，味道甜中帶咸，口感好軟熟，仲有啲油香，竺扶燒味真系無得輸，食唔厭。要讚嘅仲有生炸雞脾配薯條，雞脾外脆內嫩，切開有肉汁，薯條剛炸起，又香又脆，完美配搭。餐廳環境乾淨整齊，坐得舒服。雖然人多，但服務員好有效率。竺扶大班燒味茶餐廳，值得一試！

講到港式燒味，大埔嘅「竺扶大班燒味」真係燒味界嘅天花板！試咗佢嘅燒鴨燒腩仔雙拼飯，燒鴨皮脆肉嫩，油香四溢，啖啖都係鴨味嘅精髓🦆；燒腩仔就更加誇張，外皮香脆到咬落「卡滋卡滋」，裏面肉質juicy，肥瘦剛好，食到停唔下來🥓！飯底仲有自家製醬汁，甜鹹適中，淋上去連飯都變得超香，完美到爆！另外點咗黯然銷魂飯配雙蛋，叉燒嫩滑入味，燒得邊緣微焦，配上雙煎蛋同濃濃嘅豉油，食落真係有種黯然銷魂嘅感動🍳！飲品嗌咗港式奶茶🥛，茶底濃郁順滑，奶香同茶味平衡得啱啱好，夠晒正宗，解膩一流。