影片
更多
2024-10-25
2378 瀏覽
《YAKINIKU KAKURA - 元朗》燒肉吃不停😋大埔其實同元朗都好近，所以間唔中我都會入去元朗搵食同行街。前幾日約左朋友收工喺元朗買鞋同睇衫，然後就帶左佢去呢間我成日去既燒肉店食飯🥰咁耐無見，點都要啤啤佢的🫶🏻我就叫左我最愛既威士忌梳打(薑味)$58餐廳呢度好有空間感，坐得唔會侷促，我地坐喺卡坐位置自成一角，傾計飲野都唔會太嘈同有私隱度🤓💁🏻♀️大判燒！黑毛和牛西冷 $178呢度既必食item 之一，兩個人分其實都好夠，因為佢既油花好足而且幾大片，燒至五成熟再點上溫泉蛋漿後，食落更加滑溜香口，牛肉本來已經落左甜醬油，所以唔洗點任何醬汁已經好夠味👍🏻💁🏻♀️黑毛和牛腹柳小排 $148肉質比較軟嫩既部位，同樣地係已經落左醬汁，食落脂肪比例平均有油花，我覺得算係佢地店內性格比好高既一款和牛💁🏻♀️黑毛和牛上肋骨中肉 $198同樣係我好喜歡既一款牛肉，大大件原條放上網燒香先再剪開一片片，燒既時候已經聞到好香醬油既味道，燒完會帶有焦香既口感同味道，口感都好嫩滑易咬👍🏻👍🏻必叫💁🏻♀️牛腸 $58我同朋友都喜歡食內臟，牛腸就係其一又邪惡但又好想食既一個部位😋燒香左個皮之後再稍為燒燒脂肪位置
燒肉吃不停😋大埔其實同元朗都好近，所以間唔中我都會入去元朗搵食同行街。前幾日約左朋友收工喺元朗買鞋同睇衫，然後就帶左佢去呢間我成日去既燒肉店食飯🥰咁耐無見，點都要啤啤佢的🫶🏻我就叫左我最愛既威士忌梳打(薑味)$58
餐廳呢度好有空間感，坐得唔會侷促，我地坐喺卡坐位置自成一角，傾計飲野都唔會太嘈同有私隱度🤓
💁🏻♀️大判燒！黑毛和牛西冷 $178
呢度既必食item 之一，兩個人分其實都好夠，因為佢既油花好足而且幾大片，燒至五成熟再點上溫泉蛋漿後，食落更加滑溜香口，牛肉本來已經落左甜醬油，所以唔洗點任何醬汁已經好夠味👍🏻💁🏻♀️黑毛和牛腹柳小排 $148
肉質比較軟嫩既部位，同樣地係已經落左醬汁，食落脂肪比例平均有油花，我覺得算係佢地店內性格比好高既一款和牛💁🏻♀️黑毛和牛上肋骨中肉 $198
同樣係我好喜歡既一款牛肉，大大件原條放上網燒香先再剪開一片片，燒既時候已經聞到好香醬油既味道，燒完會帶有焦香既口感同味道，口感都好嫩滑易咬👍🏻👍🏻必叫💁🏻♀️牛腸 $58
我同朋友都喜歡食內臟，牛腸就係其一又邪惡但又好想食既一個部位😋燒香左個皮之後再稍為燒燒脂肪位置，火光熊熊，聞落特別香😌食落油香爆滿好好食，不過要用多少少時間咬塊皮，但真係好好食💁🏻♀️塩味上牛舌 $128
上牛舌咬落彈牙有口感，每邊各燒十至十五秒就食得，點番檸檬汁或醋汁已經好好食🤤都係每次必點的💁🏻♀️鹿兒島和牛他他 $128
第一次試呢度既和牛他他，睇個顏色都知佢一定好香油花，落左醬汁後再將紫菜、香葱、蛋汁同牛肉拌勻，醬汁微微帶酸好醒胃，係一道好開胃同送酒一流既前菜💁🏻♀️石燒肉泡菜鍋飯 $88
當晚我地叫左石鍋飯做主食，入面既肉碎係用左免治雞肉製作，泡菜微辣好開胃，用石鍋盛上既飽會有一大層飯焦，連埋醬汁食真係好惹味，成個飯既食材好多，所以口感好有層次同濃味
張貼
