天龍燒鵝 (昌業大廈)

灣仔區呢間店嘅燒臘水準我一直覺得唔錯， 最喜歡佢哋嘅乳豬、燒鵝。 售價亦非常合理公道，間唔中都會外賣返屋企加餸。 今晚喺灣仔做完嘢，一個人就簡簡單單去咗呢間店食我至喜歡嘅燒鵝。


叫咗份一人燒鵝單拼套餐 ($88）。幸運地碟鵝係鵝脾位，鵝肉肥瘦平均，食時鵝皮仍帶脆，肉嫩多汁，有㬭勁，鵝嘅油香，肉香停留在口中徘徊非常滋味。 套餐包例湯一碗（當晚是眉豆花生雞腳湯），另有油菜小食各一碟 ， 白飯一碗。 簡簡單單又滿足嘅一餐。