影片
更多
2023-08-15
322 瀏覽
上次黎呢個Food Court食野時，發現原來隔離有呢間燒肉店今晚係樓下買完野就諗返起佢，就嚟一餐燒肉仔。店內差唔多坐滿，好彩出面仲有枱。睇緊食咩時，侍應已快速送上前菜及沙律菜，可以無限添加; 火爐邊嘅泡菜蛋及芝士粟米(可任食)亦整裝待發，預備比我地乾掉………哈哈哈。先燒月見牛肩肉 ($118)，薄薄一片，帶點脂肪，快捷就食得。跟肉有埋個溫泉蛋，應該用黎點肉食。果然入口有蛋汁嘅加持，增加香滑度，無需點醬汁已經夠味。食咗牛又點少得豬肉，五花肉可算係指定動作。黎客濟洲豪快黑毛豬五花肉 ($168)，普通厚度，見到一層脂肪一層肉咁隔住。D豬油令到火光紅紅，燒”走”咗D脂肪，令件肉得更香脆，入口都唔覺好肥膩。亦可用沙律菜包住黎食，咁就可以食多幾件都無問題啦。唔係要食煎餅先飲馬格利生米酒 ($98)，燒肉時間都岩飲架。入口清爽香甜，用碗飲夠暢快。通常都會叫牛肋骨，呢份大牛骨 ($360)係侍應推介，已”骨肉分離”，肉切成件狀，見到脂肪平均分佈。就咁單食，入口滿滿肉汁，有厚度之餘質感鬆化，有驚喜。第二件我用芝士粟米幫佢加持，得咗!見到餐牌有新鮮鰻魚(半份) ($115)，諗起應該都幾好食，就叫半份
今晚係樓下買完野就諗返起佢，就嚟一餐燒肉仔。店內差唔多坐滿，好彩出面仲有枱。
睇緊食咩時，侍應已快速送上前菜及沙律菜，可以無限添加; 火爐邊嘅泡菜蛋及芝士粟米(可任食)亦整裝待發，預備比我地乾掉………哈哈哈。
先燒月見牛肩肉 ($118)，薄薄一片，帶點脂肪，快捷就食得。
跟肉有埋個溫泉蛋，應該用黎點肉食。果然入口有蛋汁嘅加持，增加香滑度，無需點醬汁已經夠味。
食咗牛又點少得豬肉，五花肉可算係指定動作。黎客濟洲豪快黑毛豬五花肉 ($168)，普通厚度，見到一層脂肪一層肉咁隔住。
D豬油令到火光紅紅，燒”走”咗D脂肪，令件肉得更香脆，入口都唔覺好肥膩。
亦可用沙律菜包住黎食，咁就可以食多幾件都無問題啦。
唔係要食煎餅先飲馬格利生米酒 ($98)，燒肉時間都岩飲架。入口清爽香甜，用碗飲夠暢快。
通常都會叫牛肋骨，呢份大牛骨 ($360)係侍應推介，已”骨肉分離”，肉切成件狀，見到脂肪平均分佈。
就咁單食，入口滿滿肉汁，有厚度之餘質感鬆化，有驚喜。
第二件我用芝士粟米幫佢加持，得咗!
見到餐牌有新鮮鰻魚(半份) ($115)，諗起應該都幾好食，就叫半份啦。
先燒皮果面，然後再返轉，燒到個皮香脆，肉仍然嫩口無散開，再點D燒鰻魚汁一齊食，好味。
呢客牛‧燒肉飯 ($88)，材料多樣化，除咗有半飯面份量嘅牛肉，仲有大荳芽，泡菜及溫泉蛋。
將隻溫泉蛋撈均，D蛋黃汁伴埋牛肉食，入口香滑，泡菜又可連飯一齊食，相當滿足。
是誰發明了呢客咁邪惡嘅甜品…………………朱古力棉花糖 ($55)?! 有得玩又有得食。
當棉花糖燒至外脆內軟，就係用朱古力餅夾住嘅時間啦，一咬甜度爆燈，係會忍唔住食多一件。
個火爐嘅抽氣做到嘢，食完呢餐個身都無燒肉味，感覺幾好。
張貼
