濟州燒肉食堂

上個星期六同屋企人去咗九龍灣德福廣場嗰間「濟州燒肉食堂」試吓，真係好驚喜！一坐低就order咗佢哋嘅「益力多烤牛五花」，諗住個配搭幾得意，點知一食落口，個味道真係好夾！牛五花本身油脂夠，加咗益力多微微嘅甜酸去燒，入口好嫩好香，一啲都唔膩，小朋友都搶住食。跟住試咗個「牛胸腹聖誕樹配芝士薯仔煎餅」，賣相已經贏晒，真係好似棵聖誕樹咁！牛胸腹肉質爽彈，油脂分布靚，點少少燒肉汁已經好正。下面塊芝士薯仔煎餅係精髓，煎得外脆內軟，拉絲芝士加埋薯仔蓉，飽肚又好味。名物「雪花五花肉」果然無令人失望，肥瘦均勻，燒到外皮香脆，肉汁鎖住，用生菜包住加片蒜，簡直一流。飲品叫咗「荔枝梳打」同「柚子檸檬梳打」，兩杯都清爽解膩，荔枝味香甜，柚子檸檬就酸酸地好開胃，同燒肉係絕配。整體嚟講，呢餐燒肉質素高，有心思，會再嚟encore！…查看更多

嚟到九龍灣呢間韓式燒肉店，啱晒我呢啲食肉獸。聖誕🎄menu豐富又滿足。❤️益力多烤牛五花用益力多醃過，帶獨特微酸同果甜，非常開胃，中和咗燒肉嘅油膩感。肉質口感嫩滑，油脂比例啱啱好，燒到微微焦香，入口好正。🧡牛胸腹聖誕樹聖誕樹🎄造型超有儀式感！牛胸腹肉肉味濃郁，油脂比較少，鍾意食瘦啲、有咬口嘅朋友會好鍾意。燒到七成熟就最好食，肉質會結實有彈性。💛芝士薯仔煎餅呢個配搭好有心思！煎餅外皮金黃，入面有薯仔粒，拉絲芝士同肉香夾埋一齊，口感同味道層次都好豐富。💚名物雪花五花肉餐廳嘅招牌菜之一，果然名不虛傳。雪花紋好靚，油脂分佈好平均。燒到外層香脆，入口油脂甘香，但因為燒走咗部分油份，所以食落完全唔會覺得膩。💙梅子青檸梳打及荔枝梳打青檸味道超濃超新鮮，酸過後梅子的味道就出來了，有點回甘，越喝越有味。超溫柔的荔枝味！裡面有完整荔枝肉，喝完了還能用湯匙挖著吃，超滿足。💡必試配菜：爐邊蛋、芝士粟米同韓式前菜（如泡菜），令人開胃。…查看更多

呢間應該係九龍灣最好食嘅韓燒🤫。今次有聖誕新menu：牛胸腹聖誕樹配芝士薯仔煎餅（$195）🎄～芝士薯仔煎餅嘅薯仔係粉腍同爽脆之間，口感啱啱好，芝士夠多夠厚。今次我哋仲嗌咗益力多烤牛五花（$178）同埋名物雪花五花肉（$195）。最鐘意係彈牙多肉汁嘅牛五花。店員教我哋益力多可以淋喺肉上面或者就咁飲🤣。厚厚嘅雪花五花肉燒完冇想像中咁肥，有少少香脆嘅口感，但完全唔會有食緊肥膏嘅感覺。份量比想像中多好多，最好3-4人食一份。牛胸腹感覺好似薄嘅豬五花咁，超易燒得香脆。雖然比較鐘意另外兩款，不過呢個套餐係幾抵食🫢。…查看更多

聖誕節就到啦,當然要食個聖誕大餐啦~今日去左濟洲燒肉食堂(九龍灣),真係好滿足~叫了牛胸腹聖誕樹,是剛推出的聖誕限定，有心思,好有氣氛,真係好喜歡儀式感燒肉。牛及豬是生肉，店員會幫手放在燒烤爐上燒。燒烤時很香，店員火喉拿捏得好，肉的四面都煎得金黃,熟咗就點醬汁吃，味道好食，侍應員都是年輕人但服務態度很好,燒得好有心機。我個人幾鐘意芝士薯仔煎餅，厚度剛好，調味也恰到好處恰到好處飲品有唔同口味的梳打水(凍的），我們要了熱柚子蜜，而餐廳提供的水有放檸檬，所以吃了肉也不覺得膩,好細心,值得一讚。…查看更多

這餐廳平日只試過午餐都不錯，今次試吓晚餐燒肉有2款套餐，我選擇了最貴濟洲名物盛宴，因為有很多想試食物，其實有五花腩同蔥燒帶骨牛肋排。雖然套餐都不平，但係份量都不少亦有冷麵同人參雞湯（半隻雞），同時店員介紹加＄28 refill 前菜，另外店員解釋要燒曬其他肉食最後先燒五花腩，最初以為店員換完燒考架之後自己燒五花腩，原來係店員幫你一整條燒好後再剪件等你慢慢燒至香脆超好味，雖然太肥實在太好味了，不坊一試😋😋平時去過食其他燒肉通常好容易燒燶，今次燒肉好食成功冇咁容易燶，佢哋火控制得剛剛好容易燒到好好食，好滿足😋😋😋…查看更多

入座會同你都講。最少點一個套餐。又或者最少要order三碟肉。我經openrice訂座，套餐有85折。所以點了一個套餐。但你埋單嘅時候見到張單寫住openrice 85折。事實係冇折扣㗎仲有加一喎。你要檢查張單再同佢講。佢先至會出張單畀你有85折囉。即係如果你唔檢查張單就係正價囉。芝士粟米， 泡菜蛋無限任食。就幾好既。兩樣都幾好味。前菜加$28元可以再添加。套餐有牛小排選了醃製。和牛西冷。蘋果梨汁雞肉。 安格斯牛外裙肉。厚切濟州黑毛豬梅花肉。一級五花肉。薯仔排骨湯紫菜飯已經是點了小份的套餐。肉類的種類都夠多款。肉質都很好。醃製牛小排最好食。西冷都很香。五花肉肥瘦相間。雞肉勁厚切。好多肉汁。薯仔排骨湯很甜。帶點香辣。兩大人一小朋友。最後都吃剩下一點。所以份量都足夠。而且員工的清潔車一早已在旁守候。最好不要在臨打烊前來吃飯。十點鐘關門。十點鐘關門。十點鐘關門。重要事情唔只講三次。九點半已不停播音樂加廣播轟炸你。叫你快啲走。有點煩。…查看更多

好耐無食韓燒，今次同朋友一齊去九龍灣德福廣場嘅 濟州燒肉食堂 試試佢哋嘅招牌菜！呢間餐廳位於美食廣場Foodeli，環境半開放式，卡位同大枱都有，坐得幾舒服。抽風系統做得唔錯，食完唔會一身油煙味，仲有無限任添嘅韓式前菜同埋爐邊蛋、芝士粟米，超滿足！服務員態度親切，主動幫手換網同加菜，服務真心唔錯。以下就同大家分享吓我哋今次試咗嘅菜式，啖啖肉嘅韓燒體驗真係好正！🍽️一級五花肉大大條五花肉，肥瘦相間，油花分佈得啱啱好！燒到外層微微焦香，入口油脂甘香又唔會太膩，肉質嫩滑，咬落啖啖肉汁。建議同生菜同泡菜一齊包住食，味道層次更豐富，絕對係韓燒必點之選！🍽️濟州黑毛豬五花肉呢款黑毛豬五花肉係餐廳嘅招牌，肉質比普通豬肉更鮮甜，油脂香氣好濃。燒起來外脆內嫩，肥美得黎又唔會過油，配上蒜片或者韓式辣醬，簡直係人間美味！性價比仲好高，168蚊一份真心抵食。🍽️牛胸肉牛胸肉油花比較少，肉味濃郁，帶點咬口。燒到七成熟，肉質結實有彈性，牛味好突出，鍾意食瘦啲嘅朋友一定會中意。沾少少海鹽或者燒肉汁，風味即刻提升！🍽️安格斯牛外裙肉安格斯牛外裙肉真係今次嘅驚喜！油花分佈均勻，燒完之後肉質嫩滑多汁，入口有種溶化嘅感覺，牛肉味好濃。唔使點太多調味料，本身已經好有風味，肉食控一定唔可以錯過！🍽️和牛牛五花和牛牛五花真係高質之選！油脂同瘦肉比例啱啱好，燒到微微焦香，入口即化，牛肉嘅香氣同肉汁爆晒出來！每一啖都好滿足，配上餐廳特製醬料，味道更出眾，鍾意食牛嘅朋友一定要試！🍽️蘋果梨汁雞肉呢款雞肉好有特色，用蘋果同梨汁醃過，帶有清新嘅果香，燒完之後雞皮香脆，肉質嫩滑多汁。果汁嘅甜味同雞肉好夾，食落完全唔鞋口，係一個好清新嘅選擇，解一解燒肉嘅油膩感。🍽️一口鱈魚肉原本想試鱈魚，但當日無貨，店員換咗鰻魚俾我哋。點知呢個意外驚喜超讚！鰻魚肉厚實，燒到外皮香脆，內裡嫩滑，仲有濃濃嘅魚油香。塗上蒲燒醬汁，味道更濃郁，食完真係好滿足！🍽️大醬湯大醬湯好濃郁，入面有豆腐、櫛瓜、洋蔥同香菇，湯底鮮甜微辣，份量都幾大，夠同朋友share。🍽️海鮮煎蔥餅海鮮煎蔥餅份量十足，外皮煎到金黃酥脆，入面餡料好豐富，有蝦同魷魚，仲有滿滿嘅蔥香。咬落口感軟糯又帶點嚼勁，沾上特製醬汁，味道好惹味！係燒肉以外嘅好選擇。🍽️荔枝梳打荔枝梳打好清爽，荔枝味濃而不會太甜，仲有啲細細嘅果肉，飲落好解渴。食韓燒飲杯冰涼嘅梳打，真係幫到手解油膩感，份量仲好大杯，性價比高！…查看更多

我覺得呢間肉類質素OK，但佢嘅經營模式，店員落單方法，每次被告知額外收費或者下單限制，令食客未能夠完完全全享受一個簡簡單單嘅韓燒晚餐。但係對於佢經營模式，坦白講真係唔會食第二次。本身用OpenRice book嘅時候，全單有八五折。去到餐廳點菜，單點原來唔可以享用優惠嘅。只有兩款套餐可以享有八五折（九龍灣分店套餐價格比北角分店高，可以去北角分店餐牌比較）最後我哋都係選擇單點，因為想主打濟州牛肋骨$388同埋濟州豬扒$268（餐牌上兩款套餐都不包括呢兩個肉品）。下單嘅時候，店員先提出要單點三個肉品先可以落單。咁我哋重新揀過三個肉品，2杯嘢飲，加一個蔬菜盤。買單$698.食到一半，想refill一碟碟嘅韓式漬物。店員再次提出每位要加$28。呢個收費我係surprise嘅，因為你係主打韓國餐廳，你主打韓燒，韓國餐前漬物refill應該係基本？如果佢喺我入座之前同我講晒所有嘅限制，而我都選擇入座嘅話，我會接受佢所有限制。但係如果喺入座之前並無提及任何呢啲限制，我真係會surprise囉…查看更多

超級難食，服務態度又差，而且價錢仲唔平真係冇需要再去。今日 lunch 想食韓國嘢行到去德福food court先發現之前間韓國店已關門便去咗呢間買外賣。由門口嗰個到收錢嘅疑似經理人物態度都奇差。問佢有冇泡菜佢話會跟返到公司打開盒飯全部都係芽菜！泡菜冇咗蹤影一百蚊一盒飯，仲要咁嘅水準，唔怪之得啲人寧願去食兩餸飯。今時今日生意已經難做，仲要咁嘅服務態度咁嘅食物水準點樣同人爭，有陣時成日投訴人哋不如檢討吓自己…查看更多

非常正韓燒，又可任食前菜泡菜豆芽，爐邊泡菜雞蛋，芝士粟米（共食了10轉），食到飽到一個點。或者因為是免費的任食的， 特別覺得好食（變態😆😆）❤️兩個人，中午去到，點了一個商務燒肉餐 $358。 有3款牛肉，一款雞，一款豬，一點菇類，一點蔬菜，樣樣都有d啦。❤️沒醃味牛肉好正，好靚，油脂分布靚，有牛味，算高質。❤️其他醃肉，都是屬正常味道。起碼唔會有雪味。❤️加了一個 韓式牛鍵辣伴冷麵 $72，得兩片牛鍵薄片，實在太少。味道都是正常韓式醬味道。❤️12蚊加配一杯飲品，ok啦，夠大杯。❤️下次一定再去食。…查看更多

位於九龍灣德福廣場的濟州燒肉食堂，地點便利，鄰近港鐵站，適合與朋友或家人聚餐。餐廳環境整潔，座位安排以卡位為主，空間闊落！抽風系統良好，即使燒烤肉類也不會讓衣物沾上濃重的油煙味，讓人感到舒適。服務方面，員工態度親切，主動為客人更換燒烤網及添加前菜和爐邊蛋，整體而言，環境乾淨、氣氛輕鬆，適合喜愛韓式燒肉的饕客-這次點選了多款招牌菜🔸菠蘿和牛五花肉 
這款和牛五花肉以菠蘿汁醃製，帶來獨特的酸甜風味，入口清新而不膩。肉質鮮嫩，油花分佈均勻，燒烤至半熟時，油脂在口中融化，散發濃郁的牛肉香氣。菠蘿的酸甜味與和牛的油脂完美平衡-🔸牛五花芝士燒 
這道菜是燒肉愛好者的心頭好！牛五花肉片薄而均勻，油花分佈漂亮，燒烤後入口即溶，肉汁與油脂的香氣令人滿足。搭配餐廳提供的芝士醬，濃郁的芝士香氣與牛肉的油脂融合，帶來邪惡的滿足感。建議將牛五花燒至微焦，口感更佳-🔸煙肉大蝦 
煙肉大蝦是套餐中的驚喜之作。大蝦新鮮肥美，包裹著薄薄的煙肉，燒烤後煙肉的鹹香與蝦肉的鮮甜相得益彰。蝦肉彈牙，煙肉增添了獨特的燻香風味，燒烤時散發的香氣令人垂涎-🔸花卷五花肉選用優質豬五花，肉質肥瘦相間，油花分佈均勻，切片厚薄適中，烤制時散發出誘人的油脂光澤。肉片在烤盤上滋滋作響，烤至金黃微焦，邊緣微微捲曲，五花肉入口即化，油潤但不膩，瘦肉則保留了嚼勁，兩者平衡得恰到好處。煙燻香氣滲入肉中，增添了獨特的風味。搭配韓式辣醬提升了肉的層次感-🔸韓式馬鈴薯煎餅 
韓式馬鈴薯煎餅外皮煎得金黃酥脆，內裡軟糯，帶有馬鈴薯的自然甜味-🔸石頭鍋飯 
石頭鍋飯是一道令人滿足的主食，份量十足，配料豐富，包括芽菜、泡菜、牛肉和半熟溫泉蛋。牛肉燒得香滑，搭配流心的蛋汁，與熱騰騰的米飯拌勻後，口感層次豐富，蛋汁的滑順與牛肉的鮮香令人欲罷不能。石頭鍋保持飯菜的熱度，讓每一口都充滿溫暖的幸福感-前菜與配菜餐廳提供韓式前菜，包括酸辣泡菜、菠菜、爽脆芽菜，質素穩定，酸甜適中，有效解膩。爐邊的芝士粟米和泡菜蛋同樣可無限續添，芝士粟米香濃可口，泡菜蛋則帶有微辣的風味-🍹 飲品點選了荔枝及梅子青檸梳打味道清新，果味濃郁，甜度適中，與燒肉的油膩感形成完美平衡，十分解渴…查看更多

去左九龍灣德福廣場韓式燒肉店叫濟州燒肉食堂，環境寬敞舒適😆餐前小菜包括泡菜、薯仔沙律、 醃芽菜, 而香噴噴的爐邊蛋和惹味的芝士粟米，全部任食任添，簡直係抵食之選😋菠蘿和牛五花肉 🍍🥩$188 半隻菠蘿盛載和牛五花肉，肉味濃郁，附上菠蘿片可一同燒烤，口感獨特，滋味無窮 😋🍍牛五花芝士燒🐮🧀 $98牛五花肉與芝士結合，加熱後芝士融化拉絲🧀，增添奶香與醇厚口感，豐富味覺層次 煙肉大蝦🥓 $115煙肉鹹香🥓，大蝦肉質緊實彈牙、富含蛋白質🦐，二者搭配鹹鮮可口😋 花卷五花肉🐷（半份）$188花卷吸收五花肉油脂變得香軟，五花肉借花卷減少油膩感，相互成就獨特風味 韓式馬鈴薯煎餅🥔🍕 $128外酥內軟的韓式馬鈴薯煎餅，香氣撲鼻，口感豐富😚 石頭鍋飯🍚 $98香氣四溢的石頭鍋飯，鍋底焦香，配料豐富😃 荔枝梳打🍹$32清甜荔枝，清爽解渴柚子檸檬梳打🍹$32清爽酸甜口感，解膩開胃 …查看更多

早兩日出糧去左食燒肉🍖原來德福二期上層food court隔離有間濟州燒肉食堂裝修企理 座位舒適👏🏻一嚟到店員會上前菜 分別有芽菜菠菜 薯仔沙律泡菜 雞髀菇😌前菜第一round免費 之後追加就要加錢仲會喺爐邊加芝士粟米同蛋漿 （無限添加）😋⭕️ 菠蘿🍍和牛五花肉 $188和牛五花肉質感淋身 油脂豐富 牛味濃郁配上清甜菠蘿 完美中和油膩感 兩者平衡恰到好處就咁燒菠蘿係勁正 多汁🫶🏻must order⭕️ 牛五花芝士🧀燒 $98牛五花肉薄薄地包住芝士 燒後芝士拉絲效果超吸睛😍牛肉外層微微焦香 裏面芝士軟滑濃郁 煙韌口感令人難忘⭕️ 煙肉🥓大蝦 $115大蝦隻隻都好大份🦐最驚喜係蝦膏 😳入口大爆發 濃郁鮮甜煙肉包住蝦身 增添煙燻香氣⭕️ 花卷五花肉 $188五花肉依然保持高質 睇樣都知油香十足⭕️ 韓式馬鈴薯🥔燒餅 $128薯餅煎到兩邊金黃香脆 薯味好重 咬落有滿足口感配上酸甜沙律醬 味道好夾 食到停唔到🤭⭕️ 石頭🪨鍋飯 $98加埋鍋飯就成句號 份量超足 夠哂2-3人分享🤰🫄🏻飯底有香脆飯焦 增添口感韓式辣醬自由調味 辣度隨心⭕️ 提子/青檸梳打 $32最黎叫埋兩杯soda gur一gur🍹🍹…查看更多

呢餐韓式燒烤食物份量夠。和牛五花肉有嚼勁，配上酸甜的菠蘿，解膩又開胃。牛五花芝士燒，牛五花肉的夠油脂，芝士大大舊，芝士控一鍾意。而煙肉大蝦，煙肉鹹香，幾特別。花卷五花肉，好肥美！我鍾意韓式馬鈴薯煎餅，煎餅外脆內軟，馬鈴薯濃郁，口感豐富，點埋醬汁更好味。而石頭鍋飯，加埋辣醬，熱辣辣。飲品方面，青檸梳打酸酸甜甜，清新解膩；荔枝茉莉花綠茶，茶味清香，荔枝味唔會太甜！餐廳都算幾大，幾多座位，慢慢食嘢傾偈可以。…查看更多

最近因為好耐未食過燒肉，又聽講濟州燒肉食堂有新產品推出，於是同朋友一齊黎試下。一如既往，前菜有五款，包括泡菜、薯仔沙律、醃芽菜等等，雖然前菜要加錢先可以refill，但爐邊蛋同粟米芝士就無限任食，已經好吸引！.第一款係菠蘿和牛五花肉 ($188)，呢款真係好有創意，半隻菠蘿中間放滿和牛五花肉，肉味濃郁，旁邊仲有4塊菠蘿，可以當拌碟用，又可以放落爐燒，燒完菠蘿帶甜味同肉香一齊食，口感好特別。.跟住係牛五花芝士燒 ($98)，呢款真係好驚喜！牛五花包住一磚目測有5cm厚既芝士，燒熟後牛肉吸晒芝士既鹹香，食落口滿滿芝士味，濃郁得黎又吾會過膩，芝士控一定中意。.而煙肉大蝦 ($115)，呢款用煙肉包裹住珍寶大蝦，蝦肉新鮮又厚實，燒完煙肉香同蝦既鮮甜一齊爆發，咬落去好滿足，份量都幾足。.接住有西班牙熟成豬扒 ($258)，呢款豬扒厚切到不得了，燒完外層微脆，內裏仲keep到嫩滑，肉汁鎖得好正，食完真係回味無窮，岩晒中意豬扒既朋友。.另外點左韓式馬鈴薯煎餅 ($128)，表面鋪滿馬鈴薯絲，煎到薄脆，馬鈴薯香好濃，單食已經好正，仲可以沾埋沙律醬，口感多左一層變化，幾好味。.主食方面試左石頭鍋飯 ($98)，呢個石鍋飯用料好豐富，有芽菜、紫菜、紅蘿蔔絲、香菇片、菠菜、牛肉碎同生蛋黃，熱辣辣上枱，加入韓式辣醬一齊拌勻，香氣爆棚，仲食到好多鍋巴，脆口又香，超正！.飲品方面點左柑橘梳打，青檸梳打 ($32)，兩款都好清新，柑橘帶少少甜，青檸就酸酸地好醒神，岩晒解燒肉既油膩，飲完成個人都refresh哂…查看更多