影片
更多
2021-10-20
573 瀏覽
銅鑼灣有好多日式居酒屋，而牛惣最大賣點係佢除左其他居酒屋常見嘅佐酒小食、串燒、燒物......之外，佢仲有好多牛嘅唔同部位同內臟串燒，想試啲刁鑽部份就最啱。牛惣嘅座位有分普通餐枱同吧枱，半明半暗嘅燈光好適合摸住酒杯底吹水。佢地嘅串燒都係即叫即燒，牛惣7:30打後越夜越多人，見師傅都燒到冇停手。生野菜沙律($28) - 一坐低，侍應例牌每枱會俾一碟收費嘅野菜沙律，如果唔要記住一坐低就即刻同佢地講，避免不必要嘅爭吵。沙律有椰菜、甘筍條、雪梨條同西芹條，蘸麵豉醬食都幾惹味一啲都唔覺得齋。雜莓酒($79) - 牛惣除左出面都買倒嘅清酒梅酒燒酒之外，佢地仲有幾款自釀嘅水果酒，口味都比較特別。我試左雜莓酒，冇梅酒咁甜，但都好易入口。刺身盛盒($288/四款) - 有赤蝦、帆立貝、三文魚同油甘魚，刺身非常新鮮，赤蝦爽口，油甘魚油潤，不過帆立貝就切得薄左啲影響左口感。蝦夷蔥牛肉卷($36/串) - 平時常見嘅金菇牛肉卷用左蝦夷蔥代替，蝦夷蔥比普通嘅蔥幼身少少，所以每件牛肉卷中間都包左好多蝦夷蔥喺入面，口感更豐富，而且佢亦唔會好似金菇咁痴牙，對於我哩啲好怕痴牙嘅人都可以放心大大啖咬落去，牛肉亦唔會太鞋，
牛惣嘅座位有分普通餐枱同吧枱，半明半暗嘅燈光好適合摸住酒杯底吹水。
佢地嘅串燒都係即叫即燒，牛惣7:30打後越夜越多人，見師傅都燒到冇停手。
生野菜沙律($28) - 一坐低，侍應例牌每枱會俾一碟收費嘅野菜沙律，如果唔要記住一坐低就即刻同佢地講，避免不必要嘅爭吵。沙律有椰菜、甘筍條、雪梨條同西芹條，蘸麵豉醬食都幾惹味一啲都唔覺得齋。
生野菜沙律
$28
5 瀏覽
0 讚好
0 留言
雜莓酒($79) - 牛惣除左出面都買倒嘅清酒梅酒燒酒之外，佢地仲有幾款自釀嘅水果酒，口味都比較特別。我試左雜莓酒，冇梅酒咁甜，但都好易入口。
刺身盛盒($288/四款) - 有赤蝦、帆立貝、三文魚同油甘魚，刺身非常新鮮，赤蝦爽口，油甘魚油潤，不過帆立貝就切得薄左啲影響左口感。
蝦夷蔥牛肉卷($36/串) - 平時常見嘅金菇牛肉卷用左蝦夷蔥代替，蝦夷蔥比普通嘅蔥幼身少少，所以每件牛肉卷中間都包左好多蝦夷蔥喺入面，口感更豐富，而且佢亦唔會好似金菇咁痴牙，對於我哩啲好怕痴牙嘅人都可以放心大大啖咬落去，牛肉亦唔會太鞋，再加埋啲七味粉上去都唔錯。
蝦夷蔥牛肉卷
$36
14 瀏覽
0 讚好
0 留言
蘆筍豚肉卷($32/串) - 肉卷包蔬菜除左冇咁滯，仲可以令自己食多啲蔬菜，牛惣哩度都算多選擇。豚肉卷中間加左蘆筍，食落多左爽口感，蘆筍亦令豚肉香而不膩。
蘆筍豚肉卷
$32
20 瀏覽
0 讚好
0 留言
雞腎($28/串) - 雞腎唔會太細粒，有咬口得殷亦唔會太硬。
雞腎
$28
8 瀏覽
0 讚好
0 留言
三文魚燒飯團
$38
11 瀏覽
0 讚好
0 留言
總結，牛惣始終都係一間居酒屋，所以串燒比刺身出色，大部份三十零蚊已經有交易，份量亦對版，即叫即燒非常熱辣辣，下次有機會都想再黎試多啲佢其他牛串燒。
張貼
