柞木炭家

營業中

休息中

燒肉食得多，今次玩吓熱石燒。熱石燒主要對象係海鮮，在烤爐上放上熱石，然後將海鮮放到熱石上。熱石能均勻地傳遞熱力，完美保留海鮮風味。不過香港地真係唔多地方有熱石燒，今次嚟呢度就銅鑼灣，勁方便。春之石海鮮盛饌 $1088 成個套餐有晒前菜，燒肉，海鮮，飯/湯同埋甜品。首先會有好多韓式前菜，真係唔會食得晒，唔夠仲有原個泡菜比你添。海膽豆腐大大件海膽色的豆腐，口感軟滑又出到海膽味，連紫菜同青瓜絲食，清新好食。熱石海鮮拼盤（鮑魚、貴妃蚌、沙白、扇貝）由放熱石，到燒海鮮，全程都有職員幫手，而且手勢純熟。海鮮鮮味比起就咁網燒的確來得更鮮，而且款式多，貴妃蚌同扇貝都好大隻，鮑魚爽彈。柞木壽喜燒和牛食完海鮮會食番燒肉，大大片和牛用壽喜燒方式享用，延續熱石海鮮的驚喜。牛小排拼醬油五花肉燒肉一般都唔會冇左五花肉，拼埋牛小排好豐富。人蔘雞湯本來想揀飯又怕太飽，人蔘雞湯中原來都有飯粒，雞又大隻，真係不比石燒飯輸蝕。甜品最後甜品真係要誇張啲用”神來之筆”形容。一般套餐既甜品頹得很，呢個除咗有賣相，仲要好食。焦糖燉蛋布甸配焦糖香蕉絕對係彩蛋。