滾爺火鍋 (上海街)

營業中

休息中

前幾日係旺角同家人黎呢度食晚飯，卡位寬敞坐得舒服，用QR CODE落單方便，上菜快，火鍋豉油同配料可以自己出去攞。我地叫左椰子雞鍋，選擇彈性，份量可以揀半隻/一隻雞，一滴水都冇溝，用2個椰皇+2個椰青，放雞蓋鍋後店員會比個漏斗我地計時，夠鐘就可以開蓋食，儀式感十足。時間到後立即試雞肉，熟度岩岩好，雞肉滑嫩，加上椰子湯既清甜，完全唔會有肥膩感，係落火鍋料前我地都裝左碗椰子雞湯直接飲，家人都大讚高質。牛肉我地叫左比較平既美國安格斯牛板眼，估唔到咁大盤，牛味都好濃，肥瘦適中。整體都令我地滿意。