影片
更多
2020-06-24
138 瀏覽
話說自從疫情之後，真係少咗好多出街食好嘢！難得最近好轉咗咁多，就一早book咗呢間韓燒坐窗邊位同男朋友望住尖沙咀個無敵靚景享受個二人晚餐❣️上到嚟果然無失望！環境好寬敞，無油煙味💨樓底好高！窗口位係落地大玻璃，可以對住個靚夜景食嘢👍🏻一開始先上咗5款開胃嘅韓式前菜：泡菜、菜心、醃製小魚乾、薯仔配蘿蔔、蓮藕片雖然係前菜但都整得相當好食！尤其係蓮藕片，非常爽口😍而且食晒可以免費再添加！飲品方面，雖然店員話俾我哋知+$25就可以任飲雪櫃嘅飲品，不過我最終就冇加到，因為驚飲嘢會飲飽個肚，所以諗住都係散嗌就算了！·【日式雜菜沙律🥗】食燒肉之前，食返多啲蔬菜有助減少油分吸收！所以點份沙律就最好不過啦！沙律菜非常新鮮，有少少酸甜嘅醬汁調味！不過原來好大兜㗎，所以最後都食淨咗幾多吓🤭·【醬燒特選牛肋骨】真係好好好好好好食！真心認為嚟到必點👍🏻一開始係原條牛肋骨show比你睇，正確無誤之後店員就會幫你好細心咁展開一塊塊方便你燒☺️肉質非常柔嫩，完全冇筋！而且醃得好入味，但又唔會過鹹！不過切記唔好燒得太耐，因為佢都幾深色，有少少難睇到佢熟未，但其實約莫每一邊燒2分鐘左右6成熟已經食得！當然以上時間只供參考，如
難得最近好轉咗咁多，就一早book咗呢間韓燒坐窗邊位同男朋友望住尖沙咀個無敵靚景享受個二人晚餐❣️
上到嚟果然無失望！環境好寬敞，無油煙味💨
樓底好高！窗口位係落地大玻璃，可以對住個靚夜景食嘢👍🏻
一開始先上咗5款開胃嘅韓式前菜：
泡菜、菜心、醃製小魚乾、薯仔配蘿蔔、蓮藕片
雖然係前菜但都整得相當好食！尤其係蓮藕片，非常爽口😍
而且食晒可以免費再添加！
飲品方面，雖然店員話俾我哋知+$25就可以任飲雪櫃嘅飲品，不過我最終就冇加到，因為驚飲嘢會飲飽個肚，所以諗住都係散嗌就算了！
·
【日式雜菜沙律🥗】
食燒肉之前，食返多啲蔬菜有助減少油分吸收！所以點份沙律就最好不過啦！
沙律菜非常新鮮，有少少酸甜嘅醬汁調味！不過原來好大兜㗎，所以最後都食淨咗幾多吓🤭
·
【醬燒特選牛肋骨】
真係好好好好好好食！真心認為嚟到必點👍🏻
一開始係原條牛肋骨show比你睇，正確無誤之後店員就會幫你好細心咁展開一塊塊方便你燒☺️
肉質非常柔嫩，完全冇筋！而且醃得好入味，但又唔會過鹹！
不過切記唔好燒得太耐，因為佢都幾深色，有少少難睇到佢熟未，但其實約莫每一邊燒2分鐘左右6成熟已經食得！
當然以上時間只供參考，如果唔食得太生嘅朋友記得燒耐啲啊！
·
【豬五花】
食韓燒又點少得豬五花肉呢？！
本身望落好似好肥，但燒嘅過程入面已經溶咗某部分嘅脂肪，所以食果陣又覺得啱啱好喎👍🏻
·
【鹽燒羊鞍】
男朋友鐘意食羊，所以叫咗個嚟試吓！
個羊鞍都幾厚肉，有羊味👍🏻
點埋燒汁食仲正！
·
【海鮮煎蔥餅】
淨係食燒肉硬係覺得好似唔夠喉咁，所以另外我哋又叫多咗啲小食！
呢個蔥餅真係超級好食！海鮮配料勁多，啖啖都食得到🤤
不過要趁熱食，如果唔係凍咗會冇咁好味
·
最後點返個韓式煲試吓先
【金饍豆腐煲】
望落去顏色好紅，但其實冇乜辣
入面好多配料，有豆腐、雞蛋、肉絲、蜆肉
呢個如果配個白飯應該會好正🤣
非常好食❣️
。·
最後賣單大概千鬆啲，但覺得性價比好高好值！
平時去啲嘈雜又多人嘅燒肉放題，兩個人加埋都要咁上下價，仲要啲肉一定冇咁好食
但呢度係對住一個無敵靚維景食嘢😍
可以慢慢食，慢慢嘆！
好啱情侶撐枱腳，夠晒浪漫！
·
落到樓下先見到原來佢哋外賣自取有做緊優惠！
全日主餐牌及套餐，外賣自取有半價！
真係抵喎，等我有機會都過嚟買下先😛
張貼
