影片
更多
2023-09-30
1071 瀏覽
聽晚就有國慶煙花睇大家係咪都諗住去海旁迫呢！我就有個好地方介紹俾你哋，有勁靚嘅無敵大海煙花靚景，最正嘅係舒舒服服唔使同人迫。我講緊就係呢間喺港島海逸君綽酒店入邊嘅Le 188° Restaurant & Lounge。呢間餐廳喺酒店嘅41樓，入面仲有三面嘅落地大玻璃，可以睇到維港兩岸嘅景致之外，仲會有好精緻嘅歐陸菜式嘆，喺呢度食晚餐睇日落好正睇煙花就更加壯觀。另外酒店嘅頂層原來有個海天閣，可以一覽無遺咁望晒香港好靚嘅景色，酒店仲好正咁喺國慶煙花嗰一日，比所有住客同埋餐廳嘅食客上嚟欣賞煙花，你話仲使乜鬼嘢去維港兩岸同人哋迫吖。睇完靚景就返落餐廳同大家講吓嘢食！我哋呢一晚食Tasting Menu，第一樣上枱梗係熱辣辣嘅麵包籃啦，入面有三款麵包都好好食，最正嘅係配左橄欖油、牛油同埋香草醬，鍾意邊樣就搽邊樣嚟食好爽皮。有咁正嘅靚景梗係要飲返杯陪襯吓！我揀咗Half Pairing $180就有三杯配酒，第一杯係Gosset, Excellence, Brut，明亮清澈嘅細膩汽泡仲有陣陣嘅白桃、梨子、橙花同埋青檸檬的香味，酸度均衡飲落去充滿新鮮感。用嚟配呢個香辣澳洲頂級純種和牛韃靼就啱晒何尺！
我講緊就係呢間喺港島海逸君綽酒店入邊嘅Le 188° Restaurant & Lounge。
呢間餐廳喺酒店嘅41樓，入面仲有三面嘅落地大玻璃，可以睇到維港兩岸嘅景致之外，仲會有好精緻嘅歐陸菜式嘆，喺呢度食晚餐睇日落好正睇煙花就更加壯觀。
另外酒店嘅頂層原來有個海天閣，可以一覽無遺咁望晒香港好靚嘅景色，酒店仲好正咁喺國慶煙花嗰一日，比所有住客同埋餐廳嘅食客上嚟欣賞煙花，你話仲使乜鬼嘢去維港兩岸同人哋迫吖。
睇完靚景就返落餐廳同大家講吓嘢食！我哋呢一晚食Tasting Menu，第一樣上枱梗係熱辣辣嘅麵包籃啦，入面有三款麵包都好好食，最正嘅係配左橄欖油、牛油同埋香草醬，鍾意邊樣就搽邊樣嚟食好爽皮。
有咁正嘅靚景梗係要飲返杯陪襯吓！我揀咗Half Pairing $180就有三杯配酒，第一杯係Gosset, Excellence, Brut，明亮清澈嘅細膩汽泡仲有陣陣嘅白桃、梨子、橙花同埋青檸檬的香味，酸度均衡飲落去充滿新鮮感。
用嚟配呢個香辣澳洲頂級純種和牛韃靼就啱晒何尺！牛肉他他味道鮮香口感仲好香滑，大廚仲配咗魚子、巴馬臣芝士蛋糕、柑橘醬同埋辣根酸忌廉，夾埋一齊食味道好鬼正斗。
然後仲有呢一個意大利煙油甘魚香草蒜油烤藜麥意大利雪糕，油甘魚配咗個蒜油食落好香口，不過最特別嘅係個烤雪糕，冷與熱情之間令呢個菜吸引咗好多。
食完兩個精美嘅前菜之後到今日嘅餐湯，呢個椰菜花松露酸忌廉湯味道好濃郁，入面仲有淡淡嘅黑松露香味，老婆大人就最鍾意佢用酸忌廉嚟配個湯，令到成碗湯都冇咁漏我都覺得好鬼好味。
中場休息整返杯伏特加檸檬雪葩，清一清個口又可以繼續再食好嘢。
第二杯配酒係Palliser Estate, Dry Riesling, Martinborough, New Zealand 2020，酒身清澈明亮帶淡淡嘅檸檬黃色，散發出鮮榨酸橙、青蘋果同埋白花嘅味道，入口幾清爽仲有礦物質味嘅餘韻用嚟配海鮮就啱晒。
呢一個係香煎北海道帶子，入面仲有啲意大利乾魚子同埋芹菜頭蓉，仲配個乾蔥同埋薑汁泡沫味道幾有新鮮感㗎。
跟住另一份海鮮係土耳其鱸魚蝦肉卷，用咗鱸魚肉包住啲新鮮嘅蝦肉，然後加多隻煙燻青口同埋薯蓉，最正嘅係大廚竟然配咗個好中式嘅萵筍汁，令到呢味菜好味之外仲食得好有趣。
嚟到食主菜牛牛配酒梗係紅酒最好啦！呢一支係Alamos, Selección Malbec, Mendoza, Argentina 2019，口感好乾爽而且帶有濃濃嘅果香果係我鍾意嘅紅酒味道。
主菜係美國SRF和牛牛腩扒配薯仔千層、蔬菜及牛肉燒汁，牛扒肉質好嫩滑肉味都好香濃如果可以多一件就更加開心哈哈！另外配菜嘅薯仔千層加咗黑魚子真係好食到停唔到口。
甜品係好鬼香脆嘅焦糖千層蛋糕，甘香嘅焦糖味加埋好鬆化嘅脆餅，就算唔係好鍾意食甜品嘅我都隊晒。
張貼
