影片
更多
2024-07-10
1319 瀏覽
今日朋友介紹我去食間順德私房茶, 間野標榜係唔落味精雞粉之類. 好耐未試過哩d 手工菜, 入到去, 已經有幾台人飲住紅酒咁食野, 果然chill.我就懶得諗食乜, 今次就全部係朋友order..首先就上個杏汁豬肺湯, 洗豬肺真係好大工程, 自己係屋企真係好少會整. 哩個豬肺湯落足料, 豬肺大大舊, 勁香杏仁味, 飲落個身好c 服,正之後就冰鎮鮑魚, 鮑魚大大粒, 切落去勁彈, 又唔會韌, 加埋師傅較o既汁, 好清新開胃蝦多士就係順德名菜, 哩間個蝦多士又幾特別, 除左蝦膠係面之外, 佢仲包左隻蝦係入面, 所以食落去有三重口感, 外脆, 內彈, 再有蝦肉o既爽口, 是正的之後就陳皮話梅骨, 聞落好香話梅味, 而都係炸到脆脆地, 陳皮話梅味幾特別, 唔錯再黎個順德饟鯪魚, 足足成條鯪魚係到, 拆骨, 饟魚肉, 再炸, 炸完再加汁燴, 認真花功夫切到一塊塊, 食落小小脆, 啖啖肉, 唔會腥, 都係正的之後就一個惹味雞煲, 個煲夠熱, 咋咋聲, 吸引到眾人o既目光, 而食落都係香口的再之後就係另一個順德菜, 大良炸鮮奶. 哩個炸鮮奶比出面街果d 巨型好多, 但巨型得黎, 入面唔會散, kee
今日朋友介紹我去食間順德私房茶, 間野標榜係唔落味精雞粉之類. 好耐未試過哩d 手工菜, 入到去, 已經有幾台人飲住紅酒咁食野, 果然chill.
我就懶得諗食乜, 今次就全部係朋友order..
首先就上個杏汁豬肺湯, 洗豬肺真係好大工程, 自己係屋企真係好少會整. 哩個豬肺湯落足料, 豬肺大大舊, 勁香杏仁味, 飲落個身好c 服,正
之後就冰鎮鮑魚, 鮑魚大大粒, 切落去勁彈, 又唔會韌, 加埋師傅較o既汁, 好清新開胃
蝦多士就係順德名菜, 哩間個蝦多士又幾特別, 除左蝦膠係面之外, 佢仲包左隻蝦係入面, 所以食落去有三重口感, 外脆, 內彈, 再有蝦肉o既爽口, 是正的
之後就陳皮話梅骨, 聞落好香話梅味, 而都係炸到脆脆地, 陳皮話梅味幾特別, 唔錯
再黎個順德饟鯪魚, 足足成條鯪魚係到, 拆骨, 饟魚肉, 再炸, 炸完再加汁燴, 認真花功夫
切到一塊塊, 食落小小脆, 啖啖肉, 唔會腥, 都係正的
之後就一個惹味雞煲, 個煲夠熱, 咋咋聲, 吸引到眾人o既目光, 而食落都係香口的
再之後就係另一個順德菜, 大良炸鮮奶. 哩個炸鮮奶比出面街果d 巨型好多, 但巨型得黎, 入面唔會散, keep 到炸鮮奶o既形同味, 都算係近來最好食o既炸鮮奶
上湯菜心就正常發揮, 大大粒炸蒜仲有一絲絲瑤柱, 即刻成件事高級左
最後就有個砂煲名門炒飯, 個炒飯真係勁香, 唔好講笑
原本都已經8成飽, 但個炒飯夠乾身得黎又有獲氣同油香, 我爭d 想食埋朋友果份...
原來仲有個番薯糖水.....真係太飽了, 糖水夠薑, 唔係太甜, 唔錯
張貼
