影片
更多
2022-10-01
394 瀏覽
🤬真係好少食飯食到一肚氣，仲要間餐廳唔係平價快餐！😡今晚約咗朋友嚟荔枝角食飯，一坐低侍應（我估係經理）不停推介龍蝦飯同埋蟹飯，唔俾反應都要再講多次，落完單又再問多次「唔試吓個龍蝦飯啊？」俾人嘅感覺係啲龍蝦賣唔晒，好想搵水魚啃咗佢。😠食到末段，當時餐廳仲有好幾張吉枱，我哋啱啱食完最後一道菜，已經極速上甜品，之後就話last order要人埋單，我真係忍唔住問佢「點解你間餐廳都未滿座，就要趕我哋走？」個經理解釋話餐廳分兩輪，有客人訂咗枱，但原來當時仲有半個鐘先需要交枱，點解要咁快趕我哋走？😤香港大部份餐廳都分兩輪，大部份都有交枱時間，但我第一次有俾人由頭趕到尾嘅感覺，真係慘過食澳牛！🐟食物方面，沙律、鱈魚球、橄欖油蝦份量好少，味道亦非常普通，唔值呢個價錢。🐷黑毛豬海鮮飯味道濃郁，幾好食，不過黑毛豬就得好少，飯都係薄薄一層。🐮後尾唔夠飽叫多個牛肚，呢個相對比較抵食，金錢肚有八片，有牛味，醬汁濃郁有豆味。🍨甜品Churros新鮮熱辣，配雪糕冰火兩重天，唔錯。🥵不過啲服務差到咁，坐得唔舒服，點好食都背脊骨落。🤬總括而言，無．下．次！📍 Rustico (荔枝角)荔枝角長義街9號D2 PLACE一
😡今晚約咗朋友嚟荔枝角食飯，一坐低侍應（我估係經理）不停推介龍蝦飯同埋蟹飯，唔俾反應都要再講多次，落完單又再問多次「唔試吓個龍蝦飯啊？」俾人嘅感覺係啲龍蝦賣唔晒，好想搵水魚啃咗佢。
😠食到末段，當時餐廳仲有好幾張吉枱，我哋啱啱食完最後一道菜，已經極速上甜品，之後就話last order要人埋單，我真係忍唔住問佢「點解你間餐廳都未滿座，就要趕我哋走？」個經理解釋話餐廳分兩輪，有客人訂咗枱，但原來當時仲有半個鐘先需要交枱，點解要咁快趕我哋走？
😤香港大部份餐廳都分兩輪，大部份都有交枱時間，但我第一次有俾人由頭趕到尾嘅感覺，真係慘過食澳牛！
🐟食物方面，沙律、鱈魚球、橄欖油蝦份量好少，味道亦非常普通，唔值呢個價錢。
🐷黑毛豬海鮮飯味道濃郁，幾好食，不過黑毛豬就得好少，飯都係薄薄一層。
🐮後尾唔夠飽叫多個牛肚，呢個相對比較抵食，金錢肚有八片，有牛味，醬汁濃郁有豆味。
🍨甜品Churros新鮮熱辣，配雪糕冰火兩重天，唔錯。
🥵不過啲服務差到咁，坐得唔舒服，點好食都背脊骨落。
🤬總括而言，無．下．次！
📍 Rustico (荔枝角)
荔枝角長義街9號D2 PLACE一期地下G01舖
張貼
