影片
更多
2024-11-11
271 瀏覽
香港｜大圍｜尋味踏入秋冬季節一定要食雞煲、烤魚、打邊爐。於是約咗朋友一齊去食。蒜香烤魚［清江魚］$298因為朋友唔係好食辣野，就揀左蒜香口味。烤魚鋪滿生蒜同炸蒜，滾起後超級香，越滾越濃味。因為清江魚肉質嫩滑、比較少骨，只有一條大骨，輕易夾到大大啖魚肉，啱晒我呢啲唔係太識論骨嘅人。另外入面仲有幾款配菜：蓮藕、金針菇、芽菜、木耳、娃娃菜，份量十足。烤魷魚須 （10串）$28魷魚鬚烤得啱啱好，爽口彈牙，調味粉和魷魚鬚配合得很好，超級惹味。燒雞中翼 （3隻）$26雞翼外皮烤得脆脆的，內裏依然嫩滑多汁。烤韭菜 $16每次食串燒都會叫韭菜，呢間嘅韭菜燒得好香，調味值得一讚，食完想再encore。芭樂酸奶冰$38超級推薦呢杯芭樂酸奶冰，飲落超清爽，好適合係食完啲濃味嘢食後飲。飲到一啲芭樂果肉，酸奶加咗落喺面度，真材實料。仲要粉紅色超靚超鍾意😍招牌鴨屎香檸檬茶$38個人認為呢間餐廳嘅鴨屎香檸檬茶，比起出面嘅飲品店售賣的更好飲。沒有指定甜度，但係就調配得啱啱好，清甜解渴。整體食物質素高，尤其係食物調味很好，令人一啖接一啖。餐廳分咗室外同室內嘅座位，座位寬闊，外面掛咗啲燈飾超靚。老闆老闆娘同員工都好友善，
踏入秋冬季節一定要食雞煲、烤魚、打邊爐。於是約咗朋友一齊去食。
蒜香烤魚
21 瀏覽
0 讚好
0 留言
蒜香烤魚［清江魚］$298
因為朋友唔係好食辣野，就揀左蒜香口味。烤魚鋪滿生蒜同炸蒜，滾起後超級香，越滾越濃味。因為清江魚肉質嫩滑、比較少骨，只有一條大骨，輕易夾到大大啖魚肉，啱晒我呢啲唔係太識論骨嘅人。另外入面仲有幾款配菜：蓮藕、金針菇、芽菜、木耳、娃娃菜，份量十足。
烤魷魚須 （10串）$28
魷魚鬚烤得啱啱好，爽口彈牙，調味粉和魷魚鬚配合得很好，超級惹味。
燒雞中翼 （3隻）$26
雞翼外皮烤得脆脆的，內裏依然嫩滑多汁。
烤韭菜 $16
每次食串燒都會叫韭菜，呢間嘅韭菜燒得好香，調味值得一讚，食完想再encore。
芭樂酸奶冰$38
超級推薦呢杯芭樂酸奶冰，飲落超清爽，好適合係食完啲濃味嘢食後飲。飲到一啲芭樂果肉，酸奶加咗落喺面度，真材實料。仲要粉紅色超靚超鍾意😍
招牌鴨屎香檸檬茶$38
個人認為呢間餐廳嘅鴨屎香檸檬茶，比起出面嘅飲品店售賣的更好飲。沒有指定甜度，但係就調配得啱啱好，清甜解渴。
整體食物質素高，尤其係食物調味很好，令人一啖接一啖。餐廳分咗室外同室內嘅座位，座位寬闊，外面掛咗啲燈飾超靚。老闆老闆娘同員工都好友善，亦會介紹菜式，服務一流。
尋味 (大圍)
大圍田心村199號地舖
#香港美食 #大圍美食 #圍方 #打邊爐 #雞煲 #烤魚 #秋冬必食 #串燒 #鴨屎香檸檬茶 #蒜頭控 #烤菠蘿
張貼
