究極堂 (蜆殼街)

營業中

休息中

炮台山有間日本小店幾正，名叫究極堂，食過之後覺得唔錯幾好食，生啤買1送1還有9折，相當吸引。海葡萄海棠青瓜沙律，海葡萄質感夠爽脆，配埋青瓜絲一齊食，清新感大增，配少量酸汁，胃口大開。煙燻蒜香火炙吞拿魚，微微既煙燻感令到吞拿魚更有層次，魚肉堅實！質感帶彈性，魚香夠濃郁。章魚丸topping放滿蜜糖芥末醬，大大粒唔會太粉，幾好食，内層章魚都幾彈牙呢。海膽右口魚邊蝦卷，配搭得幾好，入口層次豐富！食起身相當滿足。蝦卷炸到脆卜卜。究極海鮮杯賣相好吸引。有蟹肉，果肉，酸汁jelly做底層，中層有吞拿魚蓉，上層有海膽魚籽，層次滿滿！味道都好鮮甜，又夠新鮮！而且仲好足料。