影片
更多
2023-09-11
72 瀏覽
炮台山附近多學校同office，不嬲都多餐廳，有好多選擇，但日本料理餐廳就唔算太多，今次試下區內既究極堂，餐廳裝修行木質風格，牆上仲有好大幅武士壁畫，坐位闊落舒服，除左傳統既日本野—— 刺身、壽司、丼飯外，仲有西餐—— Pizza、牛排等，仲有啤酒、cocktails同甜品，價錢唔算貴，岩一大班朋友share試下。聽侍應講呢間分店同銅鑼灣店都有VIP房，岩晒一班人gathering食住吹水。本日推介 ——日本兵庫縣生蠔 ($54)🦪每日都有唔同既推介，今次試下個日本兵庫縣出產既生蠔，十分厚身肥美，富有鮮味，海水味唔太重，配以酸甜既醬汁，鮮甜可口，夠晒醒胃。究極丼 ($218) 🍱刺身有海膽、吞拿魚蓉、三文魚、油甘魚、三文魚子、帆立貝、炙燒左口魚裙邊、蟹膏醬赤蝦同天婦羅紫菜，仲有自家製醬油漬蛋黃，刺身切得相當厚，同都幾新鮮，壽司飯個調味唔錯，唔會太酸，味道岩岩好，加埋醬油漬蛋黃，令到個飯更加香。蟹膏豆腐鱈魚乾 ($58) 🦀烘到香脆既鱈魚乾上面放上蟹膏同蟹肉伴豆腐，相當開胃。自家製炸雞伴洋蔥沙律 ($68)🐓熱辣辣既炸雞，juicy唔會乾，加埋蛋黃醬洋蔥，清爽解膩。明太子芝士玉子燒 ($
本日推介 ——日本兵庫縣生蠔 ($54)🦪
每日都有唔同既推介，今次試下個日本兵庫縣出產既生蠔，十分厚身肥美，富有鮮味，海水味唔太重，配以酸甜既醬汁，鮮甜可口，夠晒醒胃。
究極丼 ($218) 🍱
刺身有海膽、吞拿魚蓉、三文魚、油甘魚、三文魚子、帆立貝、炙燒左口魚裙邊、蟹膏醬赤蝦同天婦羅紫菜，仲有自家製醬油漬蛋黃，刺身切得相當厚，同都幾新鮮，壽司飯個調味唔錯，唔會太酸，味道岩岩好，加埋醬油漬蛋黃，令到個飯更加香。
蟹膏豆腐鱈魚乾 ($58) 🦀
烘到香脆既鱈魚乾上面放上蟹膏同蟹肉伴豆腐，相當開胃。
自家製炸雞伴洋蔥沙律 ($68)🐓
熱辣辣既炸雞，juicy唔會乾，加埋蛋黃醬洋蔥，清爽解膩。
明太子芝士玉子燒 ($78) 🥚
玉子燒入面係滿滿既拉絲芝士，仲有好重既牛油香，上面除左有明太子沙律醬，同埋厚厚既蟹子同海苔碎，口感豐富有層次。
海膽右口魚邊蝦卷 ($78) 🍤
出面好多既炸蝦卷都係炸定，食個時一早都已經淋晒，呢次個蝦係脆既，食得出係新鮮炸既，相當有誠意，右口魚邊係用火槍燒過既，充滿油香，加埋海膽，鮮味濃郁，層次豐富。
張貼
