影片
更多
2022-06-21
161 瀏覽
見到好多人極力推薦依間試業中嘅炭火串燒Omakase,即管試吓首先佢哋嘅訂位係非常之混亂🤣打完佢之後又話要上網book上網book完又book唔到但係原來佢又落咗Booking結果我喺同一日裏面收到六個電話打嚟問我係唔係今日食6:30、喺去完之後嗰一日又收到佢哋打嚟話我今晚有Booking🤣但其實我前一日已經係食8:30嗰轉好啦千辛萬苦終於嚟到喇、其實我哋都好準時8:25已經到但原來好多人比我哋更加早度已經安排咗佢間房仔度坐等待安排入座但係到我哋嚟嘅時候日本經理就話已經冇位錯啦你企門口等一陣啦、因為前一轉啲人賣緊單所以都要等一陣、咁好啦冇問題我哋就企喺門口等啦但係原來佢係要安排晒房入邊啲人入去坐低最尾先安排我哋、所以我哋就戇居居咁樣企咗15分鐘😩其實我覺得可以比個位我哋坐住先囉既然人哋都有位坐着等點解我哋要企喺度⋯算啦都無所謂終於入到去坐咁依間餐廳所有廚師都係日本人咁自然就要用返啲日本式嘅英文同佢哋溝通咁其中有啲廚師係識講普通話嘅所以其實都唔難明白佢哋講咩、佢哋仲有一位講廣東話嘅侍應講咗咁耐真係要講吓食咩先一坐低佢哋就有兩杯熱茶俾我哋同埋個菜牌個菜牌係英文同埋日文嘅所以都唔難明白頭一個
炭火串燒Omakase,即管試吓
首先佢哋嘅訂位係非常之混亂🤣打完佢之後又話要上網book上網book完又book唔到但係原來佢又落咗Booking結果我喺同一日裏面收到六個電話
打嚟問我係唔係今日食6:30、喺去完之後嗰一日又收到佢哋打嚟話我今晚有Booking🤣
但其實我前一日已經係食8:30嗰轉
好啦千辛萬苦終於嚟到喇、其實我哋都好準時8:25已經到但原來好多人比我哋更加早度已經安排咗佢間房仔度坐等待安排入座
但係到我哋嚟嘅時候日本經理就話已經冇位錯啦你企門口等一陣啦、因為前一轉啲人賣緊單所以都要等一陣、咁好啦冇問題我哋就企喺門口等啦
但係原來佢係要安排晒房入邊啲人入去坐低
最尾先安排我哋、所以我哋就戇居居咁樣企咗15分鐘😩其實我覺得可以比個位我哋坐住先囉既然人哋都有位坐着等點解我哋要企喺度⋯
算啦都無所謂終於入到去坐
咁依間餐廳所有廚師都係日本人
咁自然就要用返啲日本式嘅英文同佢哋溝通
咁其中有啲廚師係識講普通話嘅所以其實都唔難明白佢哋講咩、佢哋仲有一位講廣東話嘅侍應
講咗咁耐真係要講吓食咩先
一坐低佢哋就有兩杯熱茶俾我哋同埋個菜牌
個菜牌係英文同埋日文嘅所以都唔難明白
頭一個前菜係一個雞肉丸子浸係半碗雞湯
我個人口味比較重、覺得雞湯比較清淡
不過其實真係好好味好香丸子好入味😋
暖一暖個胃期待下一度菜
呢個酸酸甜甜有啲有子味不過因為我唔食雞刺身
所以要求廚師做全熟俾我
不過後尾試咗朋友嘅半山熟覺得半山熟真係好好味
跟住有一個係slow cook雞冠加蟹肉芡汁
估唔到雞冠可以做到咁軟仲有滿滿嘅骨膠原
跟住嘅串燒我都覺得好滿意❤️
平視我一定唔會食嘅雞心、佢依度加咗薑蔥將竟然係好好食我兩粒都食晒
不過我哋見到隔離嗰位係我哋食雞腎嘅時候佢竟然有雞腎裙邊我哋立即要追加😋成為$60一串
跟住本身應該係有茄子㗎但係佢哋話今日冇所以就換咗依個俾我哋冇咩特別囉不過真係好期待個茄子
中間仲會有個沙冰俾我哋清一清口
依家方便我覺得做得幾好㗎舒服好多
呢個雞軟骨棒就一定要食㗎啦正常發揮
反而依個燒意大利小青瓜加芝士
又真係好好食嘅個青瓜超級爆汁好好味😋
食到最尾可以俾你揀黑松露飯或者湯麵佢個雞湯咁好飲當然要選擇湯麵啦❤️細細碗非常完美
都甜品嘅時候竟然係Wasabi味同醬油味嘅雪糕
食一兩啖都幾得意嘅、不過食到一半覺得個Wasabi味真係太犀利😂完全食唔到落去
焦糖燉蛋好好味滑脫脫
總括嚟講$1000有咁多嘢食真係抵👍🏻
張貼
