希鳥

2025年米芝蓮推介餐廳嘅「希鳥 Kicho」喺嚟自東京鳥割烹專家，主要食雞串燒廚師發辦，雞係從日本鹿兒島農場直接引入嘅黑薩摩走地雞，雞嘅油脂分佈比較平均同埋雞肉味比較濃餐廳設計同日本店如出一轍，全吧枱座位，不過只有十幾個座位，明爐炭火燒烤放正中間，可以一邊食一邊近距離欣賞日本師傅燒烤嘅過程，抽氣系統做得好好，一d油煙或味道都冇👍🏻希鳥午市廚師發辦 $580套餐有12款食物，有雞湯、沙律、一品料理、五款燒鳥、是日廚師精選、季節野菜、雞白湯拉麵同甜品雞湯係清雞湯，但係好有雞嘅鮮味沙律雞只係輕輕燒過，半熟嘅，所以食落比較嫩滑，配埋柚子醋啫喱同新鮮嘅蔬菜，好開胃一品料理師傅精心製作嘅一品料理，有燒得好脆口嘅雞皮配洋蔥、帶有梅味嘅鯊魚魚骨漬、芥末涼拌日本西洋菜，做法同配搭都好有創意五款燒鳥用上雞嘅唔同部位，好有炭火香又有心思雞胸肉卷雞皮包住雞胸肉，中間夾著一塊紫蘇葉，外面雞皮燒得脆口，雞胸肉肉質仍然保持到軟滑，配埋紫蘇葉同梅子醬，食落比較有層次雞心時間掌握得好，燒到啱啱好雞鎚外皮燒得好香，肉嫩雞小腿肉小小嘅腿肉仍然可以保持嫩滑，有水準嘅，配上調製過嘅青檸，有特色月見雞肉棒外面好友炭火香，咬落入面有脆脆嘅軟骨，燒汁唔會過甜過濃，加埋個蛋黃，上枱已經覺得好靚廚師精選雞脾肉配甜味噌，好味又創新季節野菜日本冬菇，質感好柔軟，啱啱食完比較濃味嘅燒烤之後，即刻感覺可解膩慢煮雞肉白雞湯拉麵同平日食嘅拉麵好唔一樣，雞湯熬製得好稠好濃，慢煮雞肉口感比較軟腍，拉麵比較煙靭有咬口甜品自家雞蛋布甸，好有蛋香，超級滑，好味所有食物都好精緻有水準，亦睇得到師傅嘅認真同誠意，如果鍾意食燒鳥嘅，一定唔好錯過…查看更多

剛榮獲2025年米芝蓮推介的「希鳥 Kicho」是來自東京鳥割烹專家，從鹿兒島的合作農場直接引入當地的著名鬥雞品種黑薩摩雞，此品種雞隻的油脂分佈均勻雞味濃郁，口感結實又不失柔嫰由日籍主廚主理，餐廳以吧枱設計圍住炭火燒爐，能近距離欣賞師傅主理燒鳥串燒，體驗正宗日式鳥割烹文化，今日和朋友前來品嚐午市Omakase 套餐，體驗最高水準的炭火燒鳥料理⭐️希鳥おまかせ ランチKicho Omakase Lunch $ 550 + 10%套餐非常豐盛，包括雞湯、沙律、一品料理、五款燒鳥、是日廚師精選、季節野菜、雞白湯拉麵和甜品，午市來說價錢實在性價比高✨雞白湯｜經過多個小時的熬製，雞湯充滿骨膠原，入口膠質滿滿，鮮味滿瀉✨雞肉沙律｜新鮮沙律菜，配上嫩滑雞胸肉和用雞湯煮成的啫喱，非常開胃✨一品料理四款師傅精心炮製的小點，滿滿日式家庭風味，味道口感，各有千秋🫰雞大髀肉牛蒡配燒汁，日本西洋菜柚子醋漬雞皮、酒盜甜蝦六款串燒都是用上雞的不同部位，席前睇住師傅每一款到即燒，保證送到你面前係完全新鮮熱辣辣，而且火候掌握得好好，每一款都是外層焦香，肉質多汁嫩滑 ，雞味道非常濃郁，水準高德無可挑剔✨雞皮包雞胸肉配日本青椒✨雞心 ✨雞心管 ✨雞頸肉✨雞鎚✨手打雞肉棒配日本蛋黃、燒汁✨迷你卷心菜✨慢煮雞肉雞白湯拉麵最精彩的拉麵，雞白湯經過多個小時的熬製，入口充滿膠質，慢煮雞肉口感軟腍，配上彈牙得來帶點煙靭嘅拉麵，非常美味✨自家製雞蛋布甸布甸入口就是濃郁的蛋香，口感又滑細緻，配上蜜餞黑豆入口即化，非常完美…查看更多

餐廳今年成為米芝蓮推薦餐廳之一，以廚師發辦雞串燒為主。餐廳喺日本設有自家農場，所用嘅黑薩魔走地雞由農場直送。由於自家養殖，所有雞肉半熟烹調都可以安心食用👍🏻餐廳環境富有時尚設計感，設有高身吧枱，客人可以近距離欣賞主廚明爐炭火燒烤嘅過程。雖然近距離，但食完都唔會有油煙味。另外，仲設有私密貴賓室，不過位置較少，記得要提前book位😆♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 先付-半熟雞肉片配柚子醋凍半熟雞肉肉質嫩滑，配上酸甜柚子醋凍，以及灑上鹹香烏魚子粉，層次豐富嘅開胃菜❥ 椀物-自家製雞肉丸子雞湯雞肉丸子加入鱈魚製成，口感軟滑，味道鮮甜❥ 燒雞內肩. 燒雞頸兩款都燒到香脆，雞內肩口感軟腍少少，雞頸更有嚼勁，仲有芥末作點綴❥ 半熟雞柳配三文魚籽配海苔口感軟嫩嘅半熟雞柳，用爽口海苔包住，再配搭鹹鮮三文魚籽，口感細膩，多咗種海洋風味❥ 燒雞心. 燒雞腎雞心口感較實在，可配搭薑蓉一齊食雞腎更爽彈，師傅燒到啱啱好，兩款都juice❥ 油揚豆腐配雞肉味噌外脆內軟嘅豆腐，清淡嘅味道更能帶出自家製嘅雞肉味噌醬，鹹香濃郁❥ Refresher-柚子梅子雪芭柚子梅子嘅清新酸味，清新解膩❥ 燒椰菜苗. 燒玉米荀椰菜苗同玉米荀鮮甜爽口，中段食一食蔬菜串燒，輕盈解膩❥ 月見雞肉棒外層焦香薄脆，入面肉質鮮嫩，仲食到脆脆軟骨，再沾上濃郁蛋汁，口感更滑順❥ 燒雞肝. 燒雞尾巴雞肝嫩滑細膩，雞尾巴用咗最稀少嘅三角位置，燒過後，油香爽脆，完全唔騷！好有驚喜！❥ 燒雞肩肉. 燒雞翼兩款是串燒中嘅經典，雞肩肉多汁鮮嫩帶嚼勁雞翼外皮香脆，肉質鮮美❥ 慢煮雞白湯拉麵. 松露魚子醬雞末丼雞白湯濃郁，拉麵彈牙，慢煮雞肉嫩滑細緻，充滿雞鮮味又唔油膩軟糯日本珍珠米飯，搭配香滑雞肉碎碎，再將蛋黃、松露醬、魚子醬均勻搞拌後，整體更creamy 鹹鮮細膩，啖啖豪華❥ 甜品-焙茶雪糕+水果焙茶雪糕充滿香濃醇厚嘅茶香同微甘水果新鮮超甜！∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴…查看更多

-燒鳥割烹 希鳥 🐣二訪位於中環既燒鳥割烹 希鳥 真係想番黎再食好耐今次既福岡之旅都唔夠時間去搵燒鳥食 唯有番黎搵間最有日本風味既鳥割烹專門店補番🥺希鳥 — 係以燒鳥料理為主既日本東京過江龍燒鳥名店採用備長炭火燒 以鹿兒島黑薩摩雞為主要廚師發辦食材今年更獲為米芝蓮推介餐廳 真係好高質🌟🌟🌟🌟🌟✨14-Courses Dinner Menu ($950/pp)先附🐣 たたき胸肉 土佐酢ジュレ 振唐墨半熟雞胸肉燒到外層微焦香 內裡有一半部分都係粉嫩薄切半生熟既雞肉食到原有香味濃得黎唔會有怪味 配土佐醋啫喱同烏魚子 帶出鮮味 微酸開胃 🤌🏻椀物🐣丸鶏スープ 鶏真大雞肉鱈魚丸子湯 — 清雞湯伴以自家製雞肉鱈魚丸子 神來之筆係伴有柚子皮 帶出陣陣柚子香氣 清爽幽香燒鳥🐣 本日の一本目當日可以揀鹽燒雞頸肉同鹽燒雞皮 都係簡單既鹽調味但就已經好好味：雞頸肉爽脆嫩滑配芥末；雞皮燒至稍微乾身 但依然帶有油脂香 係其他地方都食唔到既好味🌟🐣 ささみ昆布 いくら わさび半熟雞柳紫菜手卷 都係第一次食 雞柳醃完再輕燒成半熟配上鮮甜爽脆既三文魚籽同山葵 肉質軟腍 而且鹹鮮香濃🐣本日の塩焼き有鹽燒雞心伴有薑蓉 帶有炭火香 咬落去同雞肉冇分別；而鹽燒雞腎 爽脆肉嫩 估唔到食雞腎都會可以爆汁添強肴🐣揚げ豆腐の鶏味噌掛け厚揚豆腐燒得 外焦脆內軟綿 伴有獨製雞肉味噌 鹹香惹味野菜🥬季節の野菜炭燒意大利黃瓜配即刨巴馬臣芝士同黑椒 清甜鹹香🌟箸休 🍧お口直し蜜桃雪葩配柚子乾 作為清口腔既甜點 清爽酸甜 解油膩燒鳥🐣月見つくね係我最期待既免治雞肉棒 🌟🌟🌟🌟🌟雞軟骨碎帶有爽脆口感 肉質香濃 配搭月見汁 更順滑🐣シェフのおすすめ汁燒雞肝燒至3-4成medium rare 店員話因為係日本新鮮直送 所以咁樣食可以安心食用 口感上唔會好似平時啲雞肝咁起砂 質感綿密同時好似蒟蒻咁彈彈下 味道甘香 亦冇內臟腥味 🐣本日の焼鳥鹽燒雞皮卷 燒得好香口；或鹽燒雞胸肉質結實 偏淡味 要配搭山椒🐣ももたれ 有馬山椒添え汁燒雞大髀內側位置 肉質嫩滑 配上有馬山椒醬 鹹辣惹味食事 🐣トリュフTKG（+$100）/白湯ラーメン個人幾中意慢煮雞白湯拉麵 — 湯底濃稠 飲得出滿滿骨膠原 拉麵煙韌又掛湯 配埋慢煮薄切雞叉燒 好鮮嫰；或免治雞肉黑松露飯 — 連同蛋黃 、魚子醬 非常奢華多種唔同風味既鮮香一齊食 特別大滿足；甜品🍧水菓子 — 焙茶雪糕配日本水果🍰士多啤梨朱古力生日蛋糕 — 呢個「蛋糕」幾特別因為啲士多啤梨都結成冰 食落好似沙冰蛋糕咁 擺碟都好令 同行壽星朋友表示勁令 很滿意😎…查看更多

呢間餐廳以鹿兒島黑薩摩走地雞打造廚師發辦🇯🇵餐廳採用備長炭火燒，讓雞隻嘅不同部位呈獻各種料理，包括湯品、前菜、燒鳥串燒、蔬菜同主食🐓更係2025年獲得米芝蓮推介🏵️🐔14 Courses Dinner Menu ($950)💗先附 · たたき胸肉 土佐酢ジュレ 振唐墨薄切雞胸肉外層輕輕燒香，內裡保持粉嫩，配上土佐醋啫喱同烏魚子，微酸開胃💗椀物 · 丸鶏スープ 鶏真丈清雞湯清甜溫潤，伴以自家製雞肉鱈魚丸子，最畫龍點綴係加咗柚子皮增加香味💗燒鳥 · 本日の一本目鹽燒雞頸肉肉質脆嫩有嚼勁，帶油脂香，以法式芥末調味💗燒鳥 · ささみ昆布 いくら わさび半熟雞柳配上鮮甜嘅三文魚子同微辣嘅山葵，用紫菜包成卷物，層次豐富💗燒鳥 · 本日の塩焼き鹽燒雞腎爽口脆嫩，一咬更會爆汁💗強肴· 揚げ豆腐の鶏味噌掛け厚揚豆腐燒得外脆內軟，配上獨特鹹甜嘅雞肉味噌醬💗野菜 · 季節の野菜炭燒意大利青瓜配以鮮刨巴馬臣芝士碎，再加上黑椒，香味濃郁💗箸休 · お口直し蜜桃沙冰清爽冰涼，清一清味蕾準備迎接較濃味嘅串燒💗燒鳥 · 月見つくね免治雞肉棒混入雞軟骨碎，軟綿中帶點脆脆嘅口感，沾上香濃醬汁同生蛋黃，更順滑香濃💗燒鳥 · シェフのおすすめ汁燒雞肝柔軟綿密，食起嚟甘香而且冇內臟腥味💗燒鳥 · 本日の焼鳥鹽燒雞肩肉肉質結實脂肪少，外表雞皮香脆💗燒鳥 · ももたれ 有馬山椒添え汁燒雞腿肉嫩滑有彈性，蘸上鹹香帶辣嘅有馬山椒醬，風味獨特💗食事 · トリュフTKG（+$100）/白湯ラーメン慢煮雞白湯拉麵湯底濃厚黏口，充滿骨膠原，拉麵粗身煙韌，非常掛湯，配上3片薄切雞叉燒；松露雞肉蛋黃蓋飯將米飯鋪滿醬煮雞肉碎、黑松露醬同生蛋黃，均匀一齊味道好豐富，加以魚子醬點綴，夠哂奢華💗甜品 · 水菓子以冰凉嘅培茶雪糕同香甜嘅日本水果完美結束整頓晚餐…查看更多