金飯館

營業中

休息中

碟頭飯嚟講個人好鍾意食椒鹽豬扒飯，雖然好普通，但唔係度度都整到好食。豬扒肉質影響口感，椒鹽炸蒜份量影響味道，飯身為主角之一，質地好重要，如果炒飯底就更加需要一定功力。上網見到呢間以炒飯為主打嘅金飯館，見評價唔錯，咁啱經過觀塘就去試一試下。#️⃣椒鹽豬扒飯可能過咗食飯時間，order完好快就有，一見到山咁高有啲嚇親，好大碟！豬扒大約有七塊左右，炸粉算薄身，味道較為濃味少少。炒飯方面夠乾身，粒粒分明又炒得平均，好味。但炸蒜係最後放上面而唔係同豬扒一齊炒過，所以味道有啲分開，椒鹽．豬扒．炒飯，各自都好食嘅，可惜佢地未能融合。最後有個扣分位，就係堂食但用外賣杯，個人唔鍾意外賣餐具，覺得無「溫度」，所以下次再食可能就唔叫飲品。