食神麗宮

營業中

休息中

嘩啦啦，今次有食神啦！嚟到由戴龍師傅主理嘅食神麗宮開餐！（ 不過我成餐飯都忍唔住想笑😂 尤其係上炒飯嘅時候）燒味大拼盤 - 佢哋個素鵝係我食過少有咁好食香脆而不油膩；之後有個笑話係大家覺得個燒鴨個味道咁古怪嘅，原來係樟茶鴨... 笑咗。燒腩仔同叉燒反而一般般，叉燒係偏肥叉，比較偏甜咗少少紅燒海王魚翅上湯澳洲龍蝦伊麪 - 呢味好難唔好食，伊麪索曬湯係精華所在。希望某地繼續抵制澳龍，令我有平靚正龍蝦食 🦞懷舊蝦多士 夠酥脆又有蝦嘅鮮味，點埋加埋個甜酸汁係大人小朋友都鍾意食嘅一道菜清蒸大海珍珠龍躉 （又名龍虎斑或珍珠斑）分菜嘅姐姐好搞笑哋不停話出面唔係度度食到咁靚嘅魚，大讚得讚！！果然係無介紹錯，魚味鮮甜得嚟肉質細嫩蠔皇金錢扣花膠筒 花菇勁厚肉加超大又滑嘅花膠（食到好飽），自我感覺滋補食神奇香乳鴿 好食，皮脆肉厚，香而不肥😋 個調味同一般嘅唔同，食完係齒頰留香上湯野菌浸時蔬幸福炒飯 😂 炒王依家應該已經學識咗用隔夜飯嚟炒，食落唔濕好乾爽，碗底碟底都無乜油~杞子桂花糕加芝麻糊 - 杞子桂花糕好好食，桂花清香味足