淥鼎記

營業中

休息中

每次打邊爐都會想起旺角淥鼎記，無論食物款式，材料新鮮，整潔度都令我好滿意。地址喺旺角彌敦道593號創興廣場5樓，餐廳地方非常闊落，空間感好足夠，整潔度令人非常滿意。今晚選擇咗爵爺套餐，成人$378無限時火鍋放題。醬油區選擇種類繁多😍😍火鍋配料全部用膠盒好整齊咁裝起👍👍主菜六選一，我哋今晚選擇咗清湯蘿蔔牛腩。蘿蔔好入味吸收晒牛腩嘅精華，味道又香又甜。牛腩炆到好粒，牛肉味香濃。時令刺身 ，有三文魚，鮑魚，帶子，牡丹蝦。刺身非常新鮮三文魚夠晒肥美，鮑魚食落去好爽口，味道香甜。牡丹蝦鮮甜香滑，口感彈牙。頂級手切牛，牛肉味好香濃，脂肪分布均勻多一陣牛肉油花香味，入口即溶。豪華海鮮拼盤，有元貝，蜆，蟶子，鮑魚 ，海蝦。幾種海鮮都好新鮮，蟶子雖然細隻但係好甜美，蝦肉爽口彈牙味道鮮甜。脆骨腩真係要不停追加，入口魚肉味香濃肉質爽口，身材好新鮮。