FireBird

營業中

休息中

約左舊同事係銅鑼灣食晚飯，同事推介呢間日式餐廳，餐廳唔算太大間，但感覺幾chill，放工去飲杯野都唔錯，而且7點前Happy Hour，正價飲品有7折。日本產九州和牛壽喜燒，火鍋追加稻庭烏冬壽喜燒湯底鮮甜味濃，九州和牛入口即溶，牛味香濃，肉質嫩滑，雪花分佈均勻，配料有豆腐、大蔥、雜菇、蔬菜等，另外仲追加左稻庭烏冬，稻庭烏冬屬於幼身那種，食落非常有口感。FireBird名物 重量級火焰原隻雞腿係招牌菜之一，梗係要試下，原隻雞腿放上枱時便十分吸引，店員先灑上酒然後點火，雞腿燒過更香，肉質依然嫩滑。厚切牛舌串燒 (2串)牛舌真係好厚切，燒得剛剛好，油脂香濃，口感爽脆有嚼勁。珍寶海老天婦羅盛合天婦羅盛合好豐富，有2隻珍寶海老、茄子、蕃薯、蔬菜，海老超大隻，好爽甜，粉漿厚薄適中又不過油。Lychee Frozen呢杯飲品打卡一流，藍白色非常吸晴，好似海洋咁靚，有淡淡既荔枝味，唔會太甜。