泰鑫

營業中

休息中

今日去左灣仔買野，買完野係附近搵食，係利東街尾意外發現一間高質泰國菜「泰鑫」，由泰國廚師主理，正宗泰國菜，6:30已全場滿座，最好一早book 定位。餐廳店鋪小小，設有吧枱位置，燈光柔和，氣氛唔錯，坐位舒適，亦設開放式廚房，可望到廚師料理。泰式生菜包每次都會必點泰式生菜包，新鮮生菜洗得夠乾淨，豬肉碎炒得乾身，清脆的生菜包著惹味的肉碎一齊食，口感清新又開胃，還中和了油膩感，如果唔夠生菜，可以再添加。泰式蒜蓉炒通菜通菜爽嫩，蒜香味十足串燒（豬肉3串）燒得剛剛好，豬肉肥瘦適中，夠入味，肉質軟腍不柴口，再沾上沙嗲醬，充滿濃郁沙嗲味泰式燒牛肉生熟程度燒得剛剛好，又不會太生和太熟，牛肉味濃郁，沾上自家製的泰式醬汁，牛肉更加惹味解膩。泰式燒豬頸肉泰式燒豬頸肉燒得恰到好處，豬頸肉沒有多餘的脂肪，切得薄薄一片片，肉質爽口，再沾上自家製的泰式醬汁，開胃惹味 菠蘿炒飯用上原個菠蘿，炒飯炒得有鑊氣，飯粒粒粒金黃色，炒飯中有提子乾、粟米粒、腰果，肉鬆，口感豐富，而且入面有粒粒新鮮菠蘿，食落非常開胃。泰式奶茶（少甜）做到少甜效果，值得一讚。