昭和食堂

營業中

休息中

位於灣仔嘅復古昭和風居酒屋昭和食堂。門口有不少童年回憶例如龍珠卡、抽噹噹等嘅裝飾擺設。牆上有不少懷舊招牌及海報營造氣氛。座位闊落舒適。酒盜炒山藥酒盜係指用鹽或醬料醃漬嘅海鮮等，算係鹽辛嘅一種，味道偏鹹，用來炒山藥，剛好可以突顯山藥爽口口感，又帶點鹹香。魷魚明太子卷魷魚相當新鮮，白裡透光澤，Q彈有咬口。包住清新青瓜絲同鹹香嘅明太子一齊食，清新好味。蟹膏甲羅燒擺盤很有心思，滿滿的蟹膏盛載在甲羅造型的器皿內燒熱。餐廳服務員很細心，特別提醒我哋小心器皿辣手。搽滿醬油嘅魚餅燒至香脆，再連同上面放到滿瀉嘅蟹膏一齊食，零舍滿足。昭和海鮮卷先係震撼視覺嘅多層海膽同新鮮蟹籽，入面再有小帶子等十款海鮮。由賣相到用料都十分講究，外至內以至味道都有驚喜。串燒雞頸肉/串燒雞掌心/ 串燒牛舌雞頸肉同雞掌心都係罕有部位，第一次食感覺非常特別。雞頸肉肉厚多汁，口感似豬肉彈牙。雞掌心很Q彈，感覺有滿滿骨膠原。牛舌燒得剛剛好，外脆內軟。煙肉蠔香脆煙肉包住肥嘟嘟嘅蠔，一口爆汁，肉香蠔嫩，令人一試難忘。鮟鱇魚肝時令嘅鮟鱇魚肝，真不愧為"海中鵝肝"。口感綿密滑順，油脂柔嫩香醇。細滑豐腴感，入口即化，令人無法抗拒。