昭和食堂

今次來到灣仔居酒屋《昭和食堂》,遠遠已被門口的燈籠🏮和日式設計吸引左。行入居洒屋彷如入進昭和時代，有日本屋簷設計，懷舊佈置和精品也好有心思，營造懷舊日和氣氛😊▫️流心蝦薯仔沙律 $68 (半熟玉子海老ポテトサラダ)流心雞蛋🥚外層是炸過，薯仔加上蛋黃醬好滑溜，口感軟綿綿，內還有粒粒鮮蝦肉🦐，好有層次感▫️炸海鰻魚骨 $68 (穴子の煎餅)第一次食炸海鰻魚骨，原來炸之後作送酒🍺小食係好夾。魚骨調味咗炸至脆卜卜，長長地非常有口感▫️酒盜炒山藥 $58 (山芋の酒盗炒め )用日本酒盜的鹽辛調味，炒過的山藥非常爽口，另人無法抗拒一口接一口😋好開胃作前菜小食一流👍▫️魷魚明太子卷 $88 (イカ明太巻き)鮮甜爽滑魷魚卷入紫蘇葉，明太子和帶有調味過酸甜的青瓜絲。第一口已愛上，味道鹹中帶酸又有青瓜的味道，十分清新，大家一齊講好味👍😋▫️昭和海鮮卷 $228 (刺身太卷)太卷有超豐富餡料， 海膽，三文魚籽，吞拿魚，三文魚，吞拿魚蓉。色彩豐富，好有層次的鮮味。▫️白繕串燒🍢 $68/串（うなぎ ）白膳配上香濃燒汁，食落完全冇腥味，肉質彈牙。炭燒過的燒汁融入白繕肉內，惹味無限😋▫️雞肉丸🍢 $32/串 (つくね)雞肉丸肉質實而爽彈，雞絞肉加入味噌，醬油製作成。上層有甜甜的燒汁特別好味。▫️鰈魚邊壽司 $50/件 (えんがわ)火炙過鰈魚邊，肉質鮮美，油脂更均勻地融入壽司飯內。再配搭紫菜包住食，味道更出色， 雙重享受更昇華✨️~~~~¤~~~¤~~~¤~~~¤~~~¤~~~¤~~~用餐氣氛好好，客人也好享受。店員服務有禮，用心講解食法，食材新鮮，製作精緻。最欣賞係店舖揾左好多懷舊日本精品和掛牆廣告，真係一路食一路欣賞👍🥰昭和食堂 📍灣仔謝斐道391-407號新時代中心地 下A號舖#showashokudo #昭和食堂 #銅鑼灣 #居酒屋 #銅鑼灣美食 #灣仔美食 #香港美食…查看更多

行到謝斐道尾已見到呢間店。門囗超搶眼。
門口掛滿燈籠。仲有一大幅昭和壁畫。末入去已feel 到懷舊味！入去裹面真係好似入咗去昭和時代居酒屋，牆身黐滿 昭和年代海報/廣告牌，昏暗燈光，好懷舊，店內仲有唔少日本顧客。🍲酒盗炒山藥
*酒盜夠鹹香，山藥炒到好脆身，估唔到山藥可以咁香口咁好味。🍢煙肉蠔
*煙肉炸到脆卜卜，包住入面隻蠔仲要係爆汁！鹹香 ＋ 鮮甜，超邪惡。🐓雞橫隔膜
*爽脆過食雞軟骨！燒得夠香口，咬落開索索聲，正👍🦑 炸北海道魷魚絲
*鱿魚味濃，好香口，好特別，食到停唔到口。🐟 炸海鰻魚骨
*第一次食鰻魚骨，好幼身，好酥脆，好惹味，好食。🍗 南蠻醬炸雞
*炸雞夠嫩,個醬酸酸地好開胃，好味。🦑 海膽魷魚卷
*海膽超甜 又Creamy，外面包住煙韌魷魚，口感好特別👍🍣燒三文魚鵝肝卷*三文魚超肥美。輕輕燒過。油脂香味出哂，配合內裹鵝肝，好甘好香，夾埋壽司飯食。一啲都唔肥膩👍愛總結：昭和佈置夠吸引，全部都好味又喏送酒！呢間居酒屋可以再嚟👍…查看更多

我哋喺踏入店內嗰一刻，已經感受到一股日本懷舊居酒屋🏮氣氛當晚嘅都似系熟客為主，同店員都好熟絡。我就第二次嚟，今次又試吓啲新嘢。食物以送洒小食為主，大部分都係細細碟，心多多嘅我地可以嗌多幾味 🍶由喜歡開始🥢昭和海鮮卷海鮮卷內集合了海膽、魚籽，吞拿魚蓉，鮮味十足，味覺和視覺也相當不俗。🥢蟹膏帆立貝刺身以帆立貝開邊再釀入蟹膏，入口已經感覺到濃濃的蟹膏香，充斥著味蕾，🥢流心蝦薯仔沙律店員提示吃時將流心蛋篤穿，讓蛋黃流在薯仔沙律上，薯仔沙律入口軟糯，蛋汁濃郁，份量啱啱好。🥢魷魚明太子卷魷魚軟稔中又帶點靭度，霸道的明太子就是香味的主要來源，一淡一濃，平衡得正好。🥢燒鹿兒島黑豚薄切黑豚，焦香中帶點油香，肉味挺突出。🥢炸北海道魷魚絲酥脆可口🥢煙肉𧐢個人覺得有點overcooked ，入口較乾。頗欣賞廚師自創食物拼配，外面食唔到，所以今次都帶比我驚喜，我唸要試晒個Menu真係要去多幾次支持小店，值得一試😋…查看更多

餐廳：昭和食堂📍地址: 灣仔謝斐道391-407號新時代中心地下A號舖今晚與屋企人去了朋友推介嘅灣仔這間「昭和食堂」美食，一日內感覺如置身日本的居酒屋，特別推介的有：~ 脆炸海鰻魚骨🐠侍應首先端上佐酒佳品，脆炸海鰻魚骨，入口香脆，令人即刻食慾大增～南蠻醬炸雞🐔廚師將雞鎚用特別醬汁炸成炸雞，配上好好味的特製醬料，他他醬，非常配合。～牛舌🍢🐗牛舌燒得非常香口，外層炸到微微脆，內裡卻可以做到嫩滑，配上餐廳秘製調味，不得了！🐂🔥～雞肉丸🐔🍡雞肉丸口感滑嫩，是免治雞肉搓成雞肉丸，充滿咗濃郁嘅雞肉香味，入口即化，如何可以做到呢？真的，非常美味，🍡🐔又是佐酒佳品。～魷魚明太子卷🦑🍣廚師用了魷魚做外層，裏便有爽脆嘅青瓜，入口非常清新，吃完脆炸物，這個時候，食這個明太子卷，一絕。～鰈魚邊壽司🍣魚肉鮮味，侍應提醒不需要點醬汁，果然，本身魚味已經贏晒，不需要點醬汁。一入口已經知道鰈魚非常新鮮，一定係剛剛落飛機。～昭和海鮮卷🍣🍱這個海鮮卷不得了，是餐廳的招牌菜，當然見個名稱，已經知道一定是餐廳的極品。果然不出我所料，海鮮卷裏面是滿溢不同種類的鮮魚，面層是海膽捲成玫瑰花，再鋪上滿滿的三文魚子，賣相已經令人垂涎欲滴，一入口滿滿的魚香，十分滿足，重點是，壽司裏面的魚全部非常鮮甜。每一口都係味蕾的享受🦐🐟🍙🍣😋…查看更多

今次去咗灣仔昭和食堂，門口掛滿燈籠同昭和風壁畫，仲未入去已經感受到濃濃懷舊氣氛。入到去，昏暗燈光配上海報同廣告牌，好似穿越咗去日本舊時代，仲有唔少日本客人，感覺好地道。我哋試咗幾款小食，每款都好有特色：🦑 炸北海道魷魚絲 魷魚味濃，炸得香脆，唔會太硬，咬落去有啲煙韌🍢 炸櫻花蝦豆腐 豆腐外脆內嫩，櫻花蝦香氣十足，炸得唔油膩，口感好滑🐔 南蠻醬炸雞 炸雞皮脆肉嫩，南蠻醬食落好開胃，味道平衡得好好🧀 酒盗芝士脆餅 魚醬鹹香濃郁，配上拉絲芝士，夾埋脆餅一齊食，重口味但唔會膩🦑 魷魚明太子卷 魷魚爽口彈牙，入面釀咗明太子、紫蘇葉同青瓜絲，味道鹹中帶酸，清新又有層次🐟 燒三文魚鵝肝卷 三文魚肥美，輕輕燒過之後油香四溢，配埋鵝肝同壽司飯，味道濃郁但唔會太膩🐟 吞拿魚鱈魚餅 吞拿魚蓉好滑，底層魚餅炸得脆口，一啖落去好有層次感🐓 雞橫隔膜 燒得香口，咬落爽脆，有索索聲，口感比雞軟骨更有驚喜🐔 雞軟骨 經典之選，燒得香脆，咬落爽口，配啤酒一流食物有心思，味道出色，環境懷舊得嚟好舒服，店員有禮又細心講解食法，係一間值得再去嘅居酒屋。下次可以試埋其他菜式，感受更多昭和風味。…查看更多