影片
更多
2023-11-18
723 瀏覽
家庭聚會最適合一定係精緻中菜館🌟因為爸爸媽媽最鍾意食中菜熱辣辣😊呢間中菜館環境清靜，晚上商務套餐由前菜、湯、主食、蔬菜、主食同甜品都有齊，而且份量好多，基本上四個人係食唔晒🙀又好味又精緻。晚市商務套餐 $1258/4位，價錢非常之合理，真心抵食！佢哋每一項食物都有選擇，前菜有好多款，推介淑汁南非鮑魚片，辣辣地好開胃入邊有好多片鮑魚，爽口好食辣辣地就好正。尖椒黃金皮蛋，每一件都切得好靚金黃剔透。金磚豆腐粒粒炸得好靚，而且非常之均勻，粒粒香脆。湯品有四款咁就可以一樣一碗咩都試下😆😆😆我自己最鍾意都係西湖牛肉羹，平時唔係好多地方有，粒粒滑口牛肉，濃濃芫茜香。紅花海皇酸辣羹有好多海鮮、花膠，足料！霸王蔥油雞好大碟好靚仔，熟度剛好每一件都滑捋捋，多蔥啱晒我✨超大件啖啖肉酸菜魚no.q🌟🍲🐟小辣味道啱啱好，熱辣辣成大盤放上枱，用嚟打卡就最啱。佢哋嘅酸菜魚魚肉比平時食嗰啲厚身好多仲好滑。用咗甜酸菜，湯香濃甜甜地，個底薯粉咁就一定夠晒飽！滷水鵝肉拼盤係爸爸最愛，拼盤種類有鵝片、墨魚、雞腎、滷蛋，墨魚爽口，加少少醋汁酸酸甜甜更加好食。底部有滷水豆腐墊住。甜品有紅棗糕/薑汁糕/黑糖糕，自己鍾意食黑糖糕甜甜
佢哋每一項食物都有選擇，前菜有好多款，推介淑汁南非鮑魚片，辣辣地好開胃入邊有好多片鮑魚，爽口好食辣辣地就好正。
尖椒黃金皮蛋，每一件都切得好靚金黃剔透。金磚豆腐粒粒炸得好靚，而且非常之均勻，粒粒香脆。
湯品有四款咁就可以一樣一碗咩都試下😆😆😆我自己最鍾意都係西湖牛肉羹，平時唔係好多地方有，粒粒滑口牛肉，濃濃芫茜香。紅花海皇酸辣羹有好多海鮮、花膠，足料！
霸王蔥油雞好大碟好靚仔，熟度剛好每一件都滑捋捋，多蔥啱晒我✨超大件啖啖肉
酸菜魚no.q🌟🍲🐟小辣味道啱啱好，熱辣辣成大盤放上枱，用嚟打卡就最啱。佢哋嘅酸菜魚魚肉比平時食嗰啲厚身好多仲好滑。用咗甜酸菜，湯香濃甜甜地，個底薯粉咁就一定夠晒飽！
滷水鵝肉拼盤係爸爸最愛，拼盤種類有鵝片、墨魚、雞腎、滷蛋，墨魚爽口，加少少醋汁酸酸甜甜更加好食。底部有滷水豆腐墊住。
甜品有紅棗糕/薑汁糕/黑糖糕，自己鍾意食黑糖糕甜甜地有咬口！
張貼
