影片
更多
2024-01-19
394 瀏覽
呢日同閨密食飯談心，專登揀咗間意大利餐廳食晚飯。餐廳位於30樓，一入去已經感受到個浪漫氛圍，情調一流。原來餐廳一共有兩層，樓下比較啱一大班人飲野食飯，上面嗰層就比較適合情侶或朋友人少少傾吓偈。抽獎機會贏意大利之旅 - 店員介紹餐牌食物同飲品外，仲話我哋知餐廳集團慶祝十周年紀念，同頂級意大利酒莊Castello Banfi同ASC Fine Wines合辦咗抽獎活動，由即日起至2月13日，到餐廳用餐就有機會參加抽獎，獎品仲係意大利之旅，認真吸引。餐牌選擇好多，我哋俾佢嘅Chef Menu吸引咗，每位$549，包四個前菜、兩個主菜同甜品，最啱我哋人少少，又可以食到唔同嘅菜式。Burrata and Tomato - 布袋芝士配蕃茄，芝士軟滑，加上蕃茄酸酸甜甜，仲有火箭菜，味道豐富。Vitello Tonnato - 燒小牛肉配鯷魚、吞拿魚醬、醃酸豆，薄薄嘅牛肉片牛味濃郁，配上吞拿魚醬食，估唔到味道咁夾。Wagyu Beef Tartare - 和牛他他，入口非常鮮嫩，配搭乳酪醬，加上脆片一齊食，口感非常豐富。MMM Meatballs - 意大利肉丸配羅勒蕃茄醬，賣相以蕃茄造型，肉丸非常j
抽獎機會贏意大利之旅 - 店員介紹餐牌食物同飲品外，仲話我哋知餐廳集團慶祝十周年紀念，同頂級意大利酒莊Castello Banfi同ASC Fine Wines合辦咗抽獎活動，由即日起至2月13日，到餐廳用餐就有機會參加抽獎，獎品仲係意大利之旅，認真吸引。
餐牌選擇好多，我哋俾佢嘅Chef Menu吸引咗，每位$549，包四個前菜、兩個主菜同甜品，最啱我哋人少少，又可以食到唔同嘅菜式。
Burrata and Tomato - 布袋芝士配蕃茄，芝士軟滑，加上蕃茄酸酸甜甜，仲有火箭菜，味道豐富。
Vitello Tonnato - 燒小牛肉配鯷魚、吞拿魚醬、醃酸豆，薄薄嘅牛肉片牛味濃郁，配上吞拿魚醬食，估唔到味道咁夾。
Wagyu Beef Tartare - 和牛他他，入口非常鮮嫩，配搭乳酪醬，加上脆片一齊食，口感非常豐富。
MMM Meatballs - 意大利肉丸配羅勒蕃茄醬，賣相以蕃茄造型，肉丸非常juicy，配蕃茄醬一齊食，味道好正。
Tagliatelle Truffle - 大大片黑松露，意粉煮得al dente入口超好味，掛滿汁，亦充滿黑松露香味，真心推介俾鍾意食黑松露嘅朋友。
The Butcher’s Cut - 點咗medium，煮得啱啱好，食落肉質好鮮嫩，肉味濃郁。菜式配以火箭菜同車厘茄，中和咗肉嘅油膩感。呢個主菜我俾好高分，值得推介。
甜品點咗Tiramisu - 質感非常軟滑，鍾意佢唔會過分濕潤，配合咖啡同酒味，唔特別鍾意tiramisu嘅我都覺得唔錯。
飲品方面亦有唔少選擇，我哋點咗Amalfi Jar（$110），份量足夠二至三人share。呢個係意大利signature飲品，成份主要係 lemonade，味道酸酸甜甜，又幾好飲喎。
張貼
