露面手工拌麵料理

約咗朋友喺灣仔食嘢，原來近住修頓球場就有呢間「露面手工拌麵料理」，一於蒲頭去試下😋 天氣咁凍，我哋每人叫咗一盅野生松茸鮮雞湯，入面真係好足料，有雞件同松茸，飲完暖笠笠! 涼菜我哋叫咗碟秘製香槽醉雞，大大碟醉雞又充滿酒醉香味，好食呀🍲🍲 我哋仲叫咗一個牛骨餃子麵套餐，$88無需加一真係好抵! 套餐有碗牛骨湯麵，牛骨大大件、入味又鬆化，麵條同湯底都好味🍜 套餐配有4隻韭菜餃，足料又大隻、味道鮮甜🥟🥟 估唔到套餐仲有個西施燉蛋，微甜唔膩小驚喜🍮 飲品我就揀咗杯熱香芋鮮奶，打茸超濃郁，凍冰冰嘅天氣飲熱飲正呀! 我朋友就叫咗杯熱白桃烏龍純茶，大家飲飽食醉大滿足☕️☕️ 值得一讚嘅係食完之後，唔覺口乾無味精😍