影片
更多
2023-11-30
35 瀏覽
Weekend同朋友係灣仔食海鮮🥰我哋三個人叫咗3個signature special set，好多嘢食😍Signature Special Set $298一位沙律 - 粒粒魚生沙律點菜時以為角切魚生，結果原來係大大片的魚生😆魚生有油甘魚，北寄貝，仲有大量蟹籽，魚生味道非常鮮甜細膩。沙律菜好新鮮，好鍾意加咗海藻，食落好爽脆。前菜 - 蒜蓉燒扇貝是日的海鮮料理係燒扇貝。扇貝好大隻，仲即叫即燒好新鮮，燒帶子的火候控制得好好，帶子肉質彈牙，非常juicy。佢的蒜蓉醬好好食，唔會蓋過帶子本身的鮮味，反而令帶子味道更加豐富。湯 - 面豉湯味噌湯好多料，第一次見到咁豐富的味噌湯，每一匙都一定有料，而且並唔係普通的海帶，湯料有好多三文魚同蔬菜，成個湯感覺好豐富，而且唔鹹，飲落好順喉。主菜 - 日式青蘋果鮮蟹咖哩焗飯 配 鮑魚汁焗飯 (兩位用)隻蟹好大隻，最重要係佢開哂殼拆哂肉，就咁就食得🤩蟹肉本身的味道都好鮮味，蘸少少咖哩底味道變得好有層次。個鍋仲有好多大粒蜆，蜆大大粒，好似圓珠咁，咬落好有爆汁的感覺。咖哩底的味道非常香濃，蘸蟹蘸蜆都好食，仲有唔少蔬菜係底，但就唔係好食到青蘋果的元素，但朋友話係有
Weekend同朋友係灣仔食海鮮🥰我哋三個人叫咗3個signature special set，好多嘢食😍
Signature Special Set $298一位
沙律 - 粒粒魚生沙律
點菜時以為角切魚生，結果原來係大大片的魚生😆
魚生有油甘魚，北寄貝，仲有大量蟹籽，魚生味道非常鮮甜細膩。沙律菜好新鮮，好鍾意加咗海藻，食落好爽脆。
前菜 - 蒜蓉燒扇貝
是日的海鮮料理係燒扇貝。
扇貝好大隻，仲即叫即燒好新鮮，燒帶子的火候控制得好好，帶子肉質彈牙，非常juicy。佢的蒜蓉醬好好食，唔會蓋過帶子本身的鮮味，反而令帶子味道更加豐富。
湯 - 面豉湯
味噌湯好多料，第一次見到咁豐富的味噌湯，每一匙都一定有料，而且並唔係普通的海帶，湯料有好多三文魚同蔬菜，成個湯感覺好豐富，而且唔鹹，飲落好順喉。
主菜 -
日式青蘋果鮮蟹咖哩焗飯 配 鮑魚汁焗飯 (兩位用)
隻蟹好大隻，最重要係佢開哂殼拆哂肉，就咁就食得🤩蟹肉本身的味道都好鮮味，蘸少少咖哩底味道變得好有層次。
個鍋仲有好多大粒蜆，蜆大大粒，好似圓珠咁，咬落好有爆汁的感覺。
咖哩底的味道非常香濃，蘸蟹蘸蜆都好食，仲有唔少蔬菜係底，但就唔係好食到青蘋果的元素，但朋友話係有d甜甜哋。
鮑魚汁焗飯勁好食，真係粒粒米都被鮑魚汁裹住😍
紅酒燴和牛面頰 (+$58)
和牛面頰好軟腍呀😍牛肉煮到一壓就散，牛肉味好濃郁，亦食到有紅酒味，而且牛肉份量都好多，仲有蔬菜墊底吸哂紅酒汁，食得好開心😆
甜品 - 朱古力蛋糕&雲尼拿蛋糕
朱古力蛋糕的餡有朱古力脆脆，食落脆脆哋，朱古力味都好濃；雲尼拿蛋糕的餡有紅豆，都幾好食。
Misu Seafood Cuisine (灣仔)
灣仔皇后大道東202號QRE Plaza 26樓
*上述文章只供參考及以當時價格為準
張貼
