JOM

每次係灣仔經過都見到呢間店長長既人龍，今次Lunch特登早少少Book定位入去試。 Singaporean Laksa 新加坡喇沙海鮮配料有蝦，魚餅條，幾粒薄身豆卜加少量芽菜，半隻蛋，旁邊有一堆辣醬，少少辣，蝦入口彈牙爽口; 湯底椰漿味濃郁，少辣，魚餅條同埋豆卜吸哂個湯，麵用左白麵，口感似米線，好吸湯，配搭好好。Chili Crab bun 辣椒蟹饅頭呢個饅頭既精髓在於表面辣椒蟹，饅頭饅頭炸得香脆，蟹肉絲蟹味濃，微辣，份量夠多，連埋香脆既饅頭好好味。 Nasi Lemak 炸雞椰漿飯炸雞脾表皮炸得超級脆，好似食緊炸雞皮咁，椰漿飯上面太陽蛋既蛋黃流心，椰漿飯既椰汁味夠香濃。