影片
更多
2024-02-21
121 瀏覽
朋友最近去完半島酒店地庫層嘅釧試過佢哋嘅Omakase 話好正，今日適逢出咗bonus就同老公出嚟慶祝下先。 今次揀咗最高級別嘅釧套餐，每位$2880，包5品前菜、4品一品料理、8款壽司刺身、湯同埋甜品。==============================5品前菜： 首先，第一款前菜係愛媛縣鰻魚麵，加埋蘿蔔漬。 北海道松葉蟹配馬糞海膽：一絲絲嘅北海道松葉蟹，食落幼細鮮甜，再加上新鮮嘅海膽，將食物嘅鮮味提升至極點。 魚子醬加新西蘭螫蝦：以超精美嘅器皿盛載住新西蘭螫蝦，感覺高級。鮮甜嘅魚子醬加螫蝦配合酸酸甜甜嘅水果蕃茄啫喱同柚子胡椒醬汁，更能帶出螫蝦之鮮味，最底層係龍蝦蝦膏。另外配合埋貝殼匙一層一層咁食，富有層次感。 鱚魚卷：即係我哋俗稱嘅沙鮻魚，包住咗明太子、海苔、紫蘇葉，以天婦羅形式炸，表面香脆，食落有多種層次。 牡丹蝦配昆布漬配北海道帶子：職員建議先食帶子，帶子有陣陣青檸味，牡丹蝦食落新鮮鮮甜。 ==============================8款壽司刺身🍣： 1. 石鯛壽司：人稱【鯛魚之王】嘅夢幻魚種，因為佢嘴巴咬合力很強非常難釣，釣的時候常常斷線，所以有磯釣過
朋友最近去完半島酒店地庫層嘅釧試過佢哋嘅Omakase 話好正，今日適逢出咗bonus就同老公出嚟慶祝下先。
今次揀咗最高級別嘅釧套餐，每位$2880，包5品前菜、4品一品料理、8款壽司刺身、湯同埋甜品。
==============================
5品前菜：
首先，第一款前菜係愛媛縣鰻魚麵，加埋蘿蔔漬。
北海道松葉蟹配馬糞海膽：一絲絲嘅北海道松葉蟹，食落幼細鮮甜，再加上新鮮嘅海膽，將食物嘅鮮味提升至極點。
魚子醬加新西蘭螫蝦：以超精美嘅器皿盛載住新西蘭螫蝦，感覺高級。鮮甜嘅魚子醬加螫蝦配合酸酸甜甜嘅水果蕃茄啫喱同柚子胡椒醬汁，更能帶出螫蝦之鮮味，最底層係龍蝦蝦膏。另外配合埋貝殼匙一層一層咁食，富有層次感。
鱚魚卷：即係我哋俗稱嘅沙鮻魚，包住咗明太子、海苔、紫蘇葉，以天婦羅形式炸，表面香脆，食落有多種層次。
牡丹蝦配昆布漬配北海道帶子：職員建議先食帶子，帶子有陣陣青檸味，牡丹蝦食落新鮮鮮甜。
==============================
8款壽司刺身🍣：
1. 石鯛壽司：人稱【鯛魚之王】嘅夢幻魚種，因為佢嘴巴咬合力很強非常難釣，釣的時候常常斷線，所以有磯釣過的人應該都知道牠！！牠的主食以龍蝦，貝殼類為主食，活動力強，所以他的肉質是非常有口感的，還有牠的魚皮富含豐富的膠原蛋白，幾乎是整隻魚都可以料理！絕對係可遇不可求的逸品。石鯛肉質細膩，油脂豐富，味道鮮甜。
2. 金目鯛係日本眾多魚類當中算是最高級的魚種，鮮味肉嫩，脂肪豐厚，味道濃厚。
3. 手釣池魚：配有薑葱蓉，非常肥美。師傅解釋因手釣池魚在捕捉過程中較少令魚身出現瘀血，吃起來鮮味而不帶腥，賣相更佳。
4. 炙燒北寄貝：甘甜肥美，肉質爽口飽滿，帶有獨特海鮮味。
5. 寒鰤魚富山縣冰見市：日本料理中的頂級食材，呢款魚喺日本只係seasonal 2個月，仲有証書添，非常罕見。佢加咗紫菜醬，肉質甜美，脂膏豐腴。
6. 醬油漬赤身（吞拿魚背部位置），醬油嘅鮮香能帶出赤身嘅鮮甜。新鮮嘅赤身肉澤鮮紅，含脂量少，肉質堅實，軟中帶有嚼感。
7. 吞拿魚魚骹位，比赤身更加肥美。
8. 馬糞海膽手卷呈淺橙黃色，味道濃厚甘甜，回甘強，海膽膏的瓣塊較小。極其鮮美，絕對不可不試。
==============================
4品一品料理🍱：
慢煮八爪魚配大根🐙：八爪魚肉質柔軟嫩滑，口感Q彈。大根同時低溫烹煮，入口嘅口感更加鮮嫩多汁。
北海道鱈場蟹腳🦀：用炭燒方法非常香，加上雲丹醬，味道獨突。師傅更細心地切開2份，方便食用。
北海道蝦夷鮑魚：以慢煮方式烹調2個鐘，充滿山椒味醂酒味，食落好似薄荷咁涼涼哋。另外鮑魚用咗櫻花木燻過，充滿陣陣煙燻味，佢口感柔滑且富彈性，味道濃郁。
Tamago 玉子燒：呢個玉子燒同出面食開嘅玉子燒好唔同，佢好似布甸咁🍮，非常嫩滑，食落係好清嘅蛋味。
==============================
湯🥣：
野鴿湯：用咗蘋果🍎、野菌🍄、洋葱、甘筍🥕、大蒜🧄同雞🐔等材料去煲，唔好諗住用雞煲出嚟嘅湯會好肥膩，因為佢最後用咗蛋白嚟清油份，所以個湯一啲都唔肥膩，味道清甜可口😋。
==============================
甜品🍧：
最後係甜品拼盤《初志の宴》，呢幾款精選甜品都係上年推出過大受歡迎，宜家將佢濃縮成迷你版，一次過可以享用晒4款精美嘅甜品。職員話呢個甜品拼盤要順住次序食，先至唔會影響個味蕾，真係好講究😏。
先係紅酒焦糖脆餅🍷，中間嘅餡料好似拖肥糖咁，但唔會太甜。
蜜柑配咖啡啫喱，苦澀嘅咖啡啫喱配上酸酸甜甜嘅蜜柑🍊，令蜜柑嘅味道更突出。再加上花生🥜、rosemary、creamy 幼滑嘅雪糕🍧，成個甜品都非常特別。
香印提子沙冰味道清甜🫒，冰凍嘅沙冰夾著蒟蒻同埋紫蘇葉，香味獨突。
伊達卷主要嘅材料係蛋同芝士🧀，食落口感軟熟，蛋味濃郁，再加上十勝紅豆蓉，味道更為提升。
最後係自家製黑芝麻朱古力🍫，係好濃郁嘅芝麻味，食落好滑身，咬落仲有啲脆米，增加多重口感，而且食落無咁膩，非常美味😋！
埋單時，職員仲送上公司自家設計利是封🧧，包裝極之精美，非常豪華。
今次Omakase 嘅體驗係我去咁多次最好嘅一次，食物同服務都真係無得頂。👍👍👍
張貼
