影片
更多
2024-06-27
2854 瀏覽
同事最近搬去將軍澳，參觀完新居後，好應該”分享”下附近有咩好嘢食。之前食過呢間就再次回頭。提供大路潮州菜式，見佢加咗D粵式菜，仲多選擇。食潮州嘢飲湯又唔一定要胡椒豬肚湯，想進一步養生，呢度有燉湯飲。問侍應今晚有咩湯款，就係呢兩款。淮山杞子燉烏鷄 ($68)蟲草花燉瘦肉 ($68)原盎上夠晒熱度，仲有埋湯料，真材實料無花假。湯唔油膩之餘，仲幾清甜，我就連D湯料都食埋。相比起滷水鵝，滷水拼盤嘅吸引力都唔輸蝕架。除咗拼盤咩都有之外，仲可以自選兩拼($108)/三拼 ($128)。今晚就要咗墨魚，生腸及豆腐呢三拼。”刀手”快斬再淋上滷水汁就可上枱，滿滿的三拼啊。墨魚軟身帶有嚼口，生腸就夠爽脆，點埋個潮州辣椒油，正! 個豆腐就點推介點醋蒜汁。 夏天最愛食通菜，無論點炒都鍾意食。叫咗個啫啫通菜煲 ($108)，上枱時已然聞到好香，通菜夠多又夠嫩，合時嘅相當好食，加埋肉碎落去炒，好惹味。見佢餐牌上都有好幾款鱔類煮法，想食香口嘅當然要客椒鹽鱔球 ($198)。鱔球量相當好客，入口夠熱度，椒鹽味唔會過重，點上喼汁食。炸漿夠薄，唔會一口粉，鱔肉夠彈牙，用埋送啤酒汽水就絶對岩數。今次要留返D”胃置”去食潮式
提供大路潮州菜式，見佢加咗D粵式菜，仲多選擇。
食潮州嘢飲湯又唔一定要胡椒豬肚湯，想進一步養生，呢度有燉湯飲。問侍應今晚有咩湯款，就係呢兩款。
淮山杞子燉烏鷄 ($68)
蟲草花燉瘦肉 ($68)
原盎上夠晒熱度，仲有埋湯料，真材實料無花假。湯唔油膩之餘，仲幾清甜，我就連D湯料都食埋。
相比起滷水鵝，滷水拼盤嘅吸引力都唔輸蝕架。除咗拼盤咩都有之外，仲可以自選兩拼($108)/三拼 ($128)。今晚就要咗墨魚，生腸及豆腐呢三拼。”刀手”快斬再淋上滷水汁就可上枱，滿滿的三拼啊。
墨魚軟身帶有嚼口，生腸就夠爽脆，點埋個潮州辣椒油，正! 個豆腐就點推介點醋蒜汁。
夏天最愛食通菜，無論點炒都鍾意食。叫咗個啫啫通菜煲 ($108)，上枱時已然聞到好香，通菜夠多又夠嫩，合時嘅相當好食，加埋肉碎落去炒，好惹味。
見佢餐牌上都有好幾款鱔類煮法，想食香口嘅當然要客椒鹽鱔球 ($198)。
鱔球量相當好客，入口夠熱度，椒鹽味唔會過重，點上喼汁食。
炸漿夠薄，唔會一口粉，鱔肉夠彈牙，用埋送啤酒汽水就絶對岩數。
今次要留返D”胃置”去食潮式甜品，侍應推介呢個脆皮落湯錢 ($88)，名字相當特別。
見到實物就諗起糖不甩，其實都大同小異，分別在於呢客係底面煎脆，糯米團入面都係無餡，甜味要靠花生碎及糖。入口軟糯中帶點脆度，中飽肚量但易食。
今餐有湯有菜又有魚，仲有埋甜品，相當飽足，突然變咗”潮人”。哈….哈…….
張貼
