影片
更多
2022-11-20
353 瀏覽
夏威夷魚生飯呢幾年喺香港愈來愈流行，幾乎開到梗有一間喺左近。早幾日嚟上環辦事，已經留意到蘇杭街新開左間主打 Poke Bowl 嘅專門店，趁今日假期，專登約朋友過嚟食個 healthy lunch。餐廳走小清新路綫，店內裝潢簡約，以木檯木櫈為主，再配以近門口嘅綠色盆栽，氣氛悠閒舒適，讓人倍感放鬆。細看餐牌，有 5 款已設定好嘅 Signature Bowl，啱晒有選擇困難症嘅朋友，另外客人亦可以按自己喜歡嘅口味，自由搭配。我哋揀左 Preset 嘅 Thai Good Day 同 Sweet Up Your Life，兩款都非常大碗，色彩繽紛，而且裝到幾乎滿瀉，分量十足，賣相吸引。Thai Good Day ($88) 用料好豐富，有鮮蝦、香煎雞扒、新鮮菠蘿、甘筍絲、中華沙律、芝麻碎、花生碎，再配以泰式沙律醬。雞扒煎得很香口，皮脆肉嫩。鮮蝦大隻肉厚，菠蘿甜美多汁，而中華沙律亦清爽冰涼，夠晒醒胃！墊底嘅壽司飯和沙律菜，同醬汁味道好夾，酸甜微辛，很 refreshing！至於 Sweet Up Your Life ($118) 嘅材料就有三文魚、芒果、牛油果、圓紅蘿蔔仔、青瓜、花生碎同
早幾日嚟上環辦事，已經留意到蘇杭街新開左間主打 Poke Bowl 嘅專門店，趁今日假期，專登約朋友過嚟食個 healthy lunch。
餐廳走小清新路綫，店內裝潢簡約，以木檯木櫈為主，再配以近門口嘅綠色盆栽，氣氛悠閒舒適，讓人倍感放鬆。
細看餐牌，有 5 款已設定好嘅 Signature Bowl，啱晒有選擇困難症嘅朋友，另外客人亦可以按自己喜歡嘅口味，自由搭配。
我哋揀左 Preset 嘅 Thai Good Day 同 Sweet Up Your Life，兩款都非常大碗，色彩繽紛，而且裝到幾乎滿瀉，分量十足，賣相吸引。
Thai Good Day ($88) 用料好豐富，有鮮蝦、香煎雞扒、新鮮菠蘿、甘筍絲、中華沙律、芝麻碎、花生碎，再配以泰式沙律醬。雞扒煎得很香口，皮脆肉嫩。
鮮蝦大隻肉厚，菠蘿甜美多汁，而中華沙律亦清爽冰涼，夠晒醒胃！墊底嘅壽司飯和沙律菜，同醬汁味道好夾，酸甜微辛，很 refreshing！
至於 Sweet Up Your Life ($118) 嘅材料就有三文魚、芒果、牛油果、圓紅蘿蔔仔、青瓜、花生碎同芝麻碎。
三文魚肥美油潤、芒果肉新鮮清甜、牛油果厚滑 Creamy，配上酸咪咪嘅柚子醬，愈食愈開胃！墊底揀左糙米飯和沙律菜各半，糙米飯相當有嚼頭，但又唔會過硬，沙律菜新鮮爽脆，食完好有滿足感。
另外再加點左兩隻溏心蛋，蛋黃半熟流心，賣相超誘人，入口黏滑兼富蛋香，味道一流！
張貼
