Still

營業中

休息中

朋友剛搬左黎呢度附近住，介紹左呢間餐廳俾我。呢度嘅環境真係好chill，餐廳右側都係落地玻璃，陽光自然咁滲入嚟，食飯嘅時候感覺特別舒服。Lunch set包左餐湯/沙律,主菜同甜品。今日係南瓜甘筍湯，湯底細滑，味道清甜，飲落去好暖胃。另外點左海鮮炸波波（Seafood Croquettes），外皮炸得金黃香脆，每一啖都係滿滿嘅海洋風味。鯷魚蒜香帶子扁意粉（Scallops Aglio e Olio，帶子大粒又鮮甜，外皮煎得香脆，配埋鯷魚同蒜香味既扁意粉，味道非常惹味。至於烤鴨西班牙飯（Roast Duck Paella），鴨皮煎得香脆，鴨肉嫩滑，飯底吸收晒鴨油嘅香味，每一口都係滿滿嘅滿足感。最後試咗佢哋嘅特飲，清新嘅水果味道為整餐飯畫上完美句號，飲完之後感覺特別清爽。呢度的環境定係食物質素都令人滿意。如果你鐘意chill住慢慢享受西班牙美食，呢度絕對係一個唔錯嘅選擇。