影片
更多
2022-08-18
207 瀏覽
今晚嚟到觀塘亞太中心食法式Fusion菜。晚上嘅觀塘清靜優雅，我哋每人嗌咗個6道菜晚餐（$688/位）。第一道菜已經非常精緻。係用55度慢煮嘅法國蛋，上面加上鱘龍魚的黑魚子醬。店員提議先食魚子再食蛋黃，口感一流。圓碌碌嘅外型盒子原來係煙韌蘋果木，一打開已經聞到啖啖蘋果木味。裡面係半生熟帶子放係檸檬葉上面，再放上焗過嘅parma ham，真係好香，而帶子都好彈牙同入味。而底下嘅係椰菜花醬，連伴碟都係用可食用葉，真係花心思。呢度賣相有趣嘅係牛尾donut，亦都係我最欣賞嘅一道菜。有個飲管俾你啫啲牛尾汁入去個麵包度，同煮到腍而入味嘅牛尾味道好夾，再配上蕃茜碎同蕃茄雜菜蓉，非常開胃。呢道蕃茄清湯帶有蕃茄仔同蟹肉，味道簡單但卻能帶岀蟹肉嘅鮮味。呢隻係煮到4成享嘅法國走地法鴿，但食落一啲都唔生，反而嫩滑多汁。再配紫薯醬同山渣醬，酸酸地更特別。呢個意粉有驚喜，看似普通，但其實係餐廳自製嘅，難怪食落岀奇煙韌彈牙，配上香濃嘅菇菌仲惹味。最後一道菜嘅甜品都好有gimmick。係一個朱古力波，然後店員會係你面前將rum酒加火倒落去，睇住個朱古力溶化見到入面嘅雲呢拿雪糕真係好自癒。加上酒精後更香，仲可以中和朱
晚上嘅觀塘清靜優雅，我哋每人嗌咗個6道菜晚餐（$688/位）。
第一道菜已經非常精緻。係用55度慢煮嘅法國蛋，上面加上鱘龍魚的黑魚子醬。店員提議先食魚子再食蛋黃，口感一流。
圓碌碌嘅外型盒子原來係煙韌蘋果木，一打開已經聞到啖啖蘋果木味。裡面係半生熟帶子放係檸檬葉上面，再放上焗過嘅parma ham，真係好香，而帶子都好彈牙同入味。而底下嘅係椰菜花醬，連伴碟都係用可食用葉，真係花心思。
呢度賣相有趣嘅係牛尾donut，亦都係我最欣賞嘅一道菜。有個飲管俾你啫啲牛尾汁入去個麵包度，同煮到腍而入味嘅牛尾味道好夾，再配上蕃茜碎同蕃茄雜菜蓉，非常開胃。
呢道蕃茄清湯帶有蕃茄仔同蟹肉，味道簡單但卻能帶岀蟹肉嘅鮮味。
呢隻係煮到4成享嘅法國走地法鴿，但食落一啲都唔生，反而嫩滑多汁。再配紫薯醬同山渣醬，酸酸地更特別。
呢個意粉有驚喜，看似普通，但其實係餐廳自製嘅，難怪食落岀奇煙韌彈牙，配上香濃嘅菇菌仲惹味。
最後一道菜嘅甜品都好有gimmick。係一個朱古力波，然後店員會係你面前將rum酒加火倒落去，睇住個朱古力溶化見到入面嘅雲呢拿雪糕真係好自癒。加上酒精後更香，仲可以中和朱古力同雪糕嘅甜度，非常之夾。
個餐仲包餐飲
張貼
