滾爺火鍋 (金巴利道)

營業中

休息中

位於尖沙咀金巴利道嘅滾爺係一間火鍋店，見到招牌之後樓梯落下層就到。店員安排咗卡位位置，餐廳空間寬敞。麻辣雞煲半隻 小辣上檯由侍應即席爆炒，所以可以立即係啲雞啱啱熟就食得，夠哂熱辣辣又好味。麻辣兩隻味都算好平衡，拎到位好開胃嘅感覺。雞件又夠滑唔老。配菜又炒得夠多夠香，芹菜就最好食。澳洲純牛筋丸爆肉汁嘅牛筋丸真係好驚喜，建議大家要食得小心啲，一咬落去即刻食到極濃味啲肉汁湯，咬落又夠爽口彈牙真過癮。手包鮮蝦雲吞雲吞皮薄餡靚，豬肉同蝦肉餡料比例適中，所以食落除咗有蝦嘅鮮味亦都食到豬肉嘅味道，煮熟咗皮唔容易爛呢樣嘢打邊爐好緊要。即炸響鈴香脆熟味嘅響鈴食嘢味嘅雞煲打邊爐當然要叫一叫啦！手打墨魚滑墨魚滑份量相當十足，因為一盒已經有兩版墨魚滑，食落味道調味適中，亦都食唔到任何腥味。口感相當彈牙，但一啲都唔韌。