蟹粉拌麵 $128
————————————
實在太多「蟹」主題嘅菜式可以揀，不過同朋友兩個人試唔到太多，所以點咗個蟹粉拌麵🦀蟹絲蟹黃配埋炸蔥，入口勁香呀，拌麵好掛汁，唔會乾身，真係好食😋
成都口水雞 $88
————————————
雞皮同雞肉都好嫩滑，仲好入味，涼菜嘅一種。唔會好似白切雞與辣油，雞還雞，醬還醬嘅感覺。配上花生、蔥花，非常開胃。
招牌原味小籠包(黑豚肉) $75
————————————
一份六粒，粒粒都超爆多湯，皮薄餡靚，黑豚肉比普通豬肉更重肉香。
川味涼皮 $58
————————————
好開胃嘅涼菜，質感好爽好彈又掛汁，醬汁少少酸辣好惹味。
1
希望可以去多「蟹」逅，試多幾樣蟹主題嘅菜式！
