影片
更多
2025-03-03
370 瀏覽
噚日同朋友去咗炮台山一間新開嘅韓國餐廳試食，間餐廳裝潢好有格調，走 minimalist 風感覺好 cozy，又有少少韓式情調。首先試咗兩款 mocktail，第一款係「Sunrise」（Orange, Pomegranate），入口有橙嘅清新酸甜，混入石榴嘅微微澀味，層次感豐富，飲落好 refreshing。第二款係「Yellow Flower」（Yuzu, Lemon, Elder Flower），呢個更加驚艷，柚子同檸檬嘅酸香好突出，帶點 elder flower 嘅花香，口感輕盈，飲完好似仲留有陣清新嘅餘韻食物方面，先試咗「醬油蟹配飯團」。醬油蟹醃得好入味，蟹肉鮮甜，帶點鹹香，啖啖都係濃郁嘅海鮮味。飯團就整得結實，米飯軟糯，配上蟹膏同醬汁，食落好惹味，份量啱啱好，唔會太飽滯。之後試咗「白切豬肉拌麵」，豬肉切得薄薄一片，入口嫩滑無腥味，拌麵嘅醬汁偏甜鹹，帶少少麻油香，麵條爽口彈牙，食完有啲回味嘅感覺，係簡單但好食嘅一碟。壓軸係期間限定嘅「蠔仔釜飯 配 燘蘿蔔」。釜飯一上枱就聞到陣陣飯香，蠔仔份量多，粒粒飽滿鮮甜，煮得啱啱好，唔會過熟。飯底有少少鍋巴，脆脆地好正，配上燘蘿蔔嘅清甜同
首先試咗兩款 mocktail，第一款係「Sunrise」（Orange, Pomegranate），入口有橙嘅清新酸甜，混入石榴嘅微微澀味，層次感豐富，飲落好 refreshing。第二款係「Yellow Flower」（Yuzu, Lemon, Elder Flower），呢個更加驚艷，柚子同檸檬嘅酸香好突出，帶點 elder flower 嘅花香，口感輕盈，飲完好似仲留有陣清新嘅餘韻
食物方面，先試咗「醬油蟹配飯團」。醬油蟹醃得好入味，蟹肉鮮甜，帶點鹹香，啖啖都係濃郁嘅海鮮味。飯團就整得結實，米飯軟糯，配上蟹膏同醬汁，食落好惹味，份量啱啱好，唔會太飽滯。
之後試咗「白切豬肉拌麵」，豬肉切得薄薄一片，入口嫩滑無腥味，拌麵嘅醬汁偏甜鹹，帶少少麻油香，麵條爽口彈牙，食完有啲回味嘅感覺，係簡單但好食嘅一碟。
壓軸係期間限定嘅「蠔仔釜飯 配 燘蘿蔔」。釜飯一上枱就聞到陣陣飯香，蠔仔份量多，粒粒飽滿鮮甜，煮得啱啱好，唔會過熟。飯底有少少鍋巴，脆脆地好正，配上燘蘿蔔嘅清甜同軟腍口感，真係絶配，食完覺得好滿足。
張貼
