鳳城1954 (愉景新城)

營業中

休息中

鳳城1954係一個新派順德菜品牌，係香港一共有兩間分店，菜色既賣相都幾別緻架，今次我去既就係位於愉景新城既分店。金皮炸子雞（半隻）炸子雞皮脆肉嫩，雞皮唔會有好多脂肪痴住，入口唔會太油，好味。龍袍四季豆四季豆外皮炸得香脆，有少少咸蛋黃味。雖然依道菜色係炸既，但四季豆仲好嫩滑，有豆香。魚湯龍躉泡飯餐廳特別用份量十足既龍躉烹煮依道菜，所以龍躉肉特別彈牙。蘿蔔絲酥餅依個點心製作得非常出色，酥餅皮唔會太厚，炸得好酥脆同乾身，酥餅上唔會有多餘既油。一咬開酥餅，入面充滿住一條條鮮甜既蘿蔔絲，非常好味。流沙包賣相幾可愛，個包做到流心效果。西米布甸西米布甸係一道懷舊甜品，份量都唔少，布甸唔會太甜，再加上布甸中心既蓮蓉，食完覺得好滿足。依個甜品難得可以做到入口唔膩，算係做得非常出色。整體黎講，我覺得餐廳既點心同甜品都好出色，價錢相當貼地，當中既西米布甸同蘿蔔絲酥餅都值得大家試試。