陳儀興玫瑰餐廳

營業中

休息中

最近天氣凍咗唔少，除咗食蛇之外羊腩煲亦係一個唔錯嘅選擇，今日就嚟咗超高質嘅陳儀興玫瑰餐廳食羊腩煲同打邊爐。自己一路都有幫襯開，之前食過無蝦有蟹鍋、海鮮濃湯黃金甲鍋等等，所以對餐廳嘅質素非常有信心，就算餐廳位置比較隔涉都無阻嚟幫襯嘅決心。今次叫咗 $398 嘅枝竹羊腩煲，幫襯羊腩煲會送時菜一碟，羊腩煲份量好多，而且羊腩大件又多肉，朋友都話好食。另外仲叫咗黑栢葉、安格斯牛肉、極品黑豚肉、魚皮餃同菠菜餃，每款火鍋食材份量都好多，而且味道都超正。