影片
更多
2025-03-20
0 瀏覽
中環新開左呢間星那橋居酒屋，一入到餐廳被壁畫吸引住， 以簡單白藍黑色畫出卡通在酒店酒情況，好靚！主打各式各類小食和串燒，即叫即做，新鮮好味。小食日本河豚乾即燒嘅雞泡魚干乾真係唔同啲，一路有醬汁咁燒，唔好燒到好乾好硬，反而咬落軟硬適中，但又唔會癡牙。味道方面甜甜地又有一陣陣海鮮嘅咸味。牛蒡片食落有啲似薯片，簡單用鹽同胡椒俾味，已經好好食，薄片口感另有脆，唔會好吸油，送飲好好，但又健康過薯片。鮟鱇魚肝口感綿滑嘅魚肝，味道好新鮮，一啲醒味都食唔到，汁方面就配一個偏酸味嘅汁真係好夾。豆腐沙律清爽嘅雜菜沙律，可以幫助清一清味蕾先再食另一款串燒。同埋個豆腐真係好滑。雞橫隔膜從來未食過嘅雞部位，口感又滑又爽，雞味還好，但勝在口感取勝。雞翼雞翼燒到外面香脆，但裡面又滑又多汁，咁樣先係最好食，味道唔只係外面，裡面一樣味道十足。雞軟骨雞軟骨每舊都好大舊，食得好過癮，軟骨之餘有部分肉位，咁樣食落更香免治雞肉棒免治雞肉棒夠哂大支好抵食，搓得夠緊實，所以口感好厚實，唔會一咬就成支散開變肉碎，撈埋生雞旦食，增加鮮味之餘又口感滑啲。日本豚肉油脂同肉層層分明，証明係高質嘅豚肉，味道調味恰到好處，豚肉味唔會被調味蓋過，
小食
日本河豚乾
即燒嘅雞泡魚干乾真係唔同啲，一路有醬汁咁燒，唔好燒到好乾好硬，反而咬落軟硬適中，但又唔會癡牙。味道方面甜甜地又有一陣陣海鮮嘅咸味。
牛蒡片
食落有啲似薯片，簡單用鹽同胡椒俾味，已經好好食，薄片口感另有脆，唔會好吸油，送飲好好，但又健康過薯片。
鮟鱇魚肝
口感綿滑嘅魚肝，味道好新鮮，一啲醒味都食唔到，汁方面就配一個偏酸味嘅汁真係好夾。
豆腐沙律
清爽嘅雜菜沙律，可以幫助清一清味蕾先再食另一款串燒。同埋個豆腐真係好滑。
雞橫隔膜
從來未食過嘅雞部位，口感又滑又爽，雞味還好，但勝在口感取勝。
雞翼
雞翼燒到外面香脆，但裡面又滑又多汁，咁樣先係最好食，味道唔只係外面，裡面一樣味道十足。
雞軟骨
雞軟骨每舊都好大舊，食得好過癮，軟骨之餘有部分肉位，咁樣食落更香
免治雞肉棒
免治雞肉棒夠哂大支好抵食，搓得夠緊實，所以口感好厚實，唔會一咬就成支散開變肉碎，撈埋生雞旦食，增加鮮味之餘又口感滑啲。
日本豚肉
油脂同肉層層分明，証明係高質嘅豚肉，味道調味恰到好處，豚肉味唔會被調味蓋過，肉質燒到剛好，爽牙感仍然係度。
豬頸肉
入口即溶嘅豬頸肉，因為用燒嘅方法所以食落都唔會太過油膩，反而食完之後豬油脂嘅香味留喺個口好耐。
牛舌芯
因為用牛舌芯嘅關係，所以口感特別彈牙爽脆一般牛脷嘅臊味亦都唔會有，相反牛舌獨特嘅味道更加突顯。
油揚
燒得十分之香豆味亦都好濃。
帆立貝串
帆立貝肉嘅size好大，所以肉厚感好滿意之餘，海鮮嘅鮮味亦都好濃郁，肉質亦都好新鮮。
張貼
